Zeph Pov
Pawisan at hinihingal na inilapag ko sa sahig ng rooftop garden ang pang-apat na paso na nadala ko papunta rito sa itaas. Malalaki ang paso at gawasa luwad na lupa kaya sobrang bigat. Nanginginig ang mga kalamnan ko at halos lumawit na ang dila ko sa sobrang pagod samantang sina Hillary ay pinagtatawanan ako habang nakatingin sila sa akin. Napaka-unfair talaga ng mundong ginagalawan ko. Ako na nga ang biktima ay ako pa ang naparusahan. At iyon ay dahil sa pagiging omega ko.
Hindi ko na napigilan ang aking sarili at napahagulgol ako ng malakas habang nakaupo sa sahig. Masyado akong kinakawawa ng mundong ito. At ang masaklap pa ay wala man lang akong kakayahan para maipagtanggol ko ang aking sarili laban sa mga nambubully sa akin. Sa unang pagkakataon ay sinisi ko ang aking mga magulang kung bakit isinilang ako na isang omega. Bakit hindi na lamang ako naging anak ng isang gamma o di kaya ng isang neutral na werwolf gaya ng mga kaibigan nina Hillary at Duffy? Si Hillary ay anak ng isang Beta samantalang anak naman si Duffy ng isang gamma kaya ganoon na lamang katayog ang tingin nila sa kanilang sarili. Samantalang ako na anak ng isang omega ay tila walang karapatan sa magreklamo sa mundo. Bakit hindi na lang ako pinatay ng mga magulang ko habang nasa sinapupunan pa lamang ako ng aking ina nang sa gayon ay hindi ko nararanasan ang pang-aapi na ginagawa nila sa akin? Oo nga at matapang ako ngunit wala pa ring nagagawa ang katapangan ko sa pagiging omega ko.
"Ama! Ina! Bakit niyo pa ako hinayaang mabuhay kung pababayaan niyo lang din pala ako na lumaking mag-isa at inaapi sa mundong ito? Bakit hindi niyo na lang ako isinama diyan sa kabilang buhay?" umiiyak na sigaw ko sa pag-aakalang ako lamang ang nag-iisang narito sa itaas ng rooftop. Kaya nagulat ako nang bigla na lamang may nagsalita sa likuran ko.
"Kung gusto mo silang sundan sa kabilang buhay ay tumalon ka lamang mula rito sa rooftop pababa. Natitiyak ko na agad mo na silang makakaharap sa loob lamang ng ilang minuto," kausap sa akin ng boses ng isang lalaki mula sa aking likuran. Natigilan akonat saglit na huminto sa pag-iyak. Sa lakas ng boses ko ay tiyak na narinig niyaang sinabi ko."Pinapayuhan mo ba akong magpakamatay?" nagpapahid ng luhang tanong ko sa kanya habang nananatiling nakatalikod sa kanya. Ayoko siyang lingunin dahil ayokong makita ang hitsura niya habang pinagtatawanan ako.
"Hindi. Binibigyan lamang kita ng solusyon para makasama mo na ang mga magulang mo," mabilis nitong sagot. Bahagya akong lumingon sa kanya ngunit sa halip na mukha niya ay isang puting panyo ang sumalubong sa aking mga mata. "Gamitin mo pampahid ng mga luha mo at baka matuluan pa ang mga halaman dito sa garden ay bigla pang mangamatay.
Naisip kong hindi katulad ng ibang taong-lobo ang lalaking ito na nasa likuran ko at nag-ooffersa akin ng panyo. Bagama't matalas ang dila niya ay tilamay mabuti naman itong kalooban. "Magbibigay ng panyo pero ang daming sinasabi," sabi sa lalaki sa mahinang boses bago tinanggap ang panyo niya na ibinibigay sa akin. Tinuyo ko ng panyo ang aking mga luha at pagkatapos ay siningahan ko. Tumutulo na kasi ang sipon ko kaya ginamit ko nang pangpahid ang panyo niya at siningahan. Hindi naman kasi puwedeng gamitin kong pampahid sa aking sipon ang aking puting uniform dahil madudumihan. "Salamat sa panyo mo. Kapag nalabhan ko na ito ay ibabalik ko rin agad sa'yo ""Hindi mo na kailangan pang ibalik sa akin ang panyo na siningahan mo na. Sa'yo na lang o kung gusto mo ay itapon mo na lang," tila masungit na kausap niya sa akin.
Ang sungit naman. Para siningahan ko lamang ang panyo niya ay nagsungit na kaagad siya sa akin. Hindi na sana niya inalok sa akin ang kanyang panyo kung ayaw niyang singahan ko o ipahid sa aking ilong. At saka siyempre, lalabahan ko naman muna ang panyo niya bago ibalik sa kanya. Hindi ko naman ito ibabalik kung hindi ko pa nalalabhan.
"Lalabhan ko ito at pagkatapos ay ibabalik ko rin sa'yo," giit ko sa kanya at nagkunwari na hindi ko narinig ang kanyang sinabi.
"Sinabi ko nang hindi mo na kailangan pang ibalik sa akin iyan," nariing wika nito na tila may halong pagkainis. Hindi yata ito sanay nang hindi sinusunod ang gusto lalo na ang makipagtalo sa kanya.
"Ibabalik ko na lamang ngayon itong panyo mo kung ayaw mong palabhan—" Biglang naudlot ang sasabihin ko nang pagharap ko sa lalaking kausap ko ay wala na pala siya sa likuran ko. Malungkot na tumayo na lamang ako sa pagkakaupo sa sahig at naupo sa bench na naroon sa rooftop. Tahimik na umiyak na lamang ako ngunit hindi na katulad kanina na malakas akong humahagulgol. Nakatulog ang pakikipag-usap sa akin ng lalaking iyon.
Ilang minuto rin akong tahimik na umiyak bago ako tumayo para tapusin na ang ipinapagawa sa akin ni Ma'am Diosdada. Ngunit nanlaki ang mga mata ko nang pagharap ko sa mga paso ay natuklasan kong naroon na ang sampung paso na dapat kong iakyat. Kahit hindi ko nakita kung sino ang nag-akyat ng mga natitirang paso ay nahuhulaan kong ang lalaking nagbigay sa akin ng panyo ang nag-akyat ng mga natitirang paso sa ibaba. Ngunit sobrang bilis at tahimik naman niyang kumilos dahil hindi ko naramdaman na may paggalaw sa rooftop. O baka dahil isa akong omega kaya mahina rin ang aking pakiramdam? Kung sino man ang lalaking iyon ay lihim akong nagpapasalamat sa ginawa niya. Ngayon ay makakauwi na ako at mahaharap ko naman ang galit sa akin ni Sir Keiver.Maglalakad na sana ako papunta sa hagdan nang biglang umihipang malakas na hangin at tinangay ang panyo. At dahil determinado ako na maibalik ang panyo sa lalaking iyon matapos kong labhan kaya hinabol ko. Inilipad ng hangin ang panyo papunta sa dulo ng rooftop. Maingat na inabot ko ang panyo. Eksaktong nahawakan ko na ang panyo nang bigla itong tangaying muli ng hangin at napunta sa medyo ibaba ng rooftop. Sumabit ang panyo sa isang steel bar na bahagyang nakausli. Kahit nakakatakot ay pinilit ko pa ring abutin ang panyo. Hindi akin iyon kaya dapat kong ingatan para maibalik ko sa may-ari. Bahagya akong tumuwad para maabot ko ang medyas. At kung kailan malapit ko nang maabot ang panyo ay muli iyong inilipad ng malakas na hangin. Hindi ko inaasahan ang nangyari kaya bigla akong na-off balance. Nanlalaki ang mga mata na bigla kong naisip na mahuhulog ako sa building. Ngunit bago pa ako tuluyang mahulog ay dalawang malakas na braso ang pumigil sa akin para hindi ako tuluyang mahulog. Hindi ko na nagawa pang tingnan kung sino ang ang nagligtas sa akin dahil agad na nagdilim ang aking mga paningin sa pinaghalong sobrang pagod at takot.Zeph PovIngay ng mga naglalabasang estudyante ang nagpabalik sa aking malay. Agad akong napabangon sa kinahihigaan kong upuan. Naalala ko na muntikan na akong mahulog kanina habang pilit kong inaabot ang panyo na ipinagamit ng lalaking hindi ko nakita ang mukha. Kung hindi sa taong nagmamay-ari ng malalakas na bisig ay baka tuluyan nga akong nahulog. Ngunit hindi man lang ako nakapagpasalamat sa ginawang pagliligtas niya sa akin dahil bigla na akong hinimatay. Hindi ko rin naman siya nagisnan nang pagbalikan na ako ng aking malay. Kaya kung sino man siya na may mabuting kalooban na nagligtas sa akin ay labis akong nagpapasalamat sa kanya.Dahil sa nangyari sa akin ay saka ko na-realized kung gaano ko pala kamahal ang buhay ko. Akala ko ay mas mabuting mamatay na lang ako kaysa palaging binubully at minamata ng aking mga kalahi ngunit nagkamali ako. Kahit ganito ang buhay ko ay mahal ko rin pala ang aking sarili. Pagkatapos kong iayos ng mabuti ang mga paso ay nagmamadali na akong bu
Zeph PovHindi ko maiwasang mapatitig sa mukha ni Alpha Hunter na ngayon ay nakatitig din sa akin. Tunay ngang napaka-guwapo niya at ang isang katulad ni Hillary lamang na anak ng isang beta ang nababagay sa kanya. Maganda kasi si Hillary, matalino at anak ng pangalawa sa alpha na may pinakamataas na rank sa isang pack. Ang kaso ang panget ng ugali niya kaya hindi rin pala siya nararapat na maging luna ni Alpha Hunter. Medyo napangiwi ako sa huling mga sakita na naisip ko patungkol kay Hillary. Kung nababasa lamang niya ang aking isip ay natitiyak ko na kinalbo na niya ako ngayon. Pasalamat ako na walang sinuman ang may kakayahan na basahin ang nilalaman ng aking isipan. Bagama't hindi ko kaya ang mind reader na isa sa mga common abilities ng taong-lobo na may malakas na kapangyarihan ay hindi rin naman nila nababasa kung ano ang iniisip ko. Hindi ko alam kung bakit ganoon ngunit ipinagpapasalamat ko na walang nakakabasa sa aking isip lalo na sina Hillary at Sir Keiver. Dahil kung nag
Alpha Hunter PovNasa loob kami nina Asher, Sami at Ruyi sa mini bar sa loob ng bahay ko at umiinom ng alak. Pagkagaling namin sa bahay ni Beta Keiver ay dito na kami dumiretso agad. Habang sinisimsim ko ang alak sa aking baso ay parang nakikita ko sa loob ng baso ang mukha ni Zeph. Napakaganda nito. Maliit lamang ang mukha nito na tila kasya lamang sa isa kong palad. Bilugan ang mga mata nito na binagayan ng mahaba at malalantik na pilik-mata. Katamtaman lamang ang tangos ng mukha nito at sa tingin ko ay bagay lamang sa kanyang mukha ang ganoon katangos na ilong. Mapupula ang mga labi nito na walang bahid ng anumang kolorete sa mga labi. May isang malalim na dimple ito sa gilid ng mga labi na hindi na kailangang sadyain pang ipakita para lamang mapansin ng mga tao dahil kusang lumalabas iyon sa tuwing siya ay nagsasalita. Makinis ang mamula-mula nitong balat. Ngunit natitiyak ko na may mga latay ito sa likuran na sanhi ng paghahagupit sa kanya ng latigo ni Beta Keiver. Natatago lama
Zeph PovMasakit man ang aking katawan dahil sa mga latay ng latigo ni Sir Keiver ay wala akong choice kundi ang sundin ang kanyang ipinag-uutos. Inutusan niya akong dalhin sa kaibigan nitong si Amy ang isang bote ng pabango. Nakakatakot pa naman ang daan papunta sa bahay nina Amy dahil nasa loob ng masukal na kagubatan ang kanilang malaking bahay. May isa pang daan papunta sa bahay nina Amy na hindi dadaan sa masukal na kagubatan ngunit malayo naman iyon sa bahay nina Sir Keiver. Masyado na akong aabutan ng dilim kung iyon ang pipiliin ko. Kaya kahit na nakakatakot ang daanan na masukal ay iyon ang aking pinili dahil mas malapit iyon. Kung lumabas na sana ang aking kakayahan bilang taong-lobo ay mabilis sana akong makakarating sa bahay nina Amy. Kaso para lamang normal na tao ang aking lakas at ewan kung may kakayahan nga ba ako ng isang taong-lobo at hindi pa lamang lumalabas o sadyang wala talaga akong abilities katulad nila.Gusto ko sanang tanggihan si Hillary at sabihin sa kan
Zeph PovNang muling maglakad palapit sa akin ang lalaki ay mabilis akong tumayo. Pasimpleng iniikot ko ang aking paningin sa aking paligid para alamin kung may bagay ba akong makikita na maaari kong gamitin laban sa kanya. Ngunit biglang tinakpan ng makapal na ulap ang buwan kaya biglang dumilim ang paligid. Hindi ko tuloy makita kung may bagay ba sa paligid ko na makakatulong sa akin para maipagtanggol ko ang aking sarili. Ngunit hindi ako pinanghinaan ng loob. Maraming pagsubok na akong dinaanan at hindi lang ito ang unang beses na may nagtangka ng masama laban sa akin ngunit lahat sila ay hindi nagtagumpay sa masama nilang plano sa akin. Kaya naniniwala ako na sa pagkakataong ito ay hindi rin magtatagumpay ang lalaking ito sa anumang binabalak niya laban sa akin.Katulad ng sinabi ko ay hindi lang ito ang unang beses na may nagtangka ng masama sa buhay ko dahil dalawang beses nang may inutusan si Hillary para turuan ako ng leksiyon. Iyong una ay itinulak ako sa mataas na hagdan sa
Zeph PovNakaramdam ako ng kaligtasan nang makita kong biglang dumating si Alpha Hunter. Kahit isa akong omega ay miyembro pa rin ako ng kanyang pack kaya natitiyak ko na hindi niya ako pababayaan. Gusto kong maiyak nang tapunan niya ako ng tingin ngunit pinigilan ko ang aking sarili na gawin iyon. Higit sa lahat, ayokong makita ng kahit na sino na umiiyak ako. Iisipin nila na isa akong mahina kaya mas lalo lamang nila akong aapihin. Iyong time na nasaksihan ni Alpha Hunter ang pag-iyak ko ay hindi iyon sinasadya. Kung al ko lamang na hindi ako nag-iisa sa itaas ng rooftop ay pinigilan ko sana ang mapaiyak ng malakas."Do you have a death wish? Ang lakas ng loob mo na manakit ng miyembro ng aking pack at dito pa mismo sa aking teritoryo," madilim ang mukha at mapanganib ang boses na sita ni Alpha Hunter sa taong-lobo na nagtatangka ng masama laban sa akin. Dahil sa sinabi ni Alpha Hunter kaya nalaman ko na hindi pala miyembro ng Golden Wolf Pack ang lalaking ito na initusan ni Hilla
Zeph PovPagdating ko sa bahay nina Hillary ay bigla siyang napasimangot nang makita niya ako. "Bakit buhay ka pa?" matalim ang tingin na sita niya sa akin. "Ang ibig kong sabihin ay mabuti at walang nangyari sa'yo sa daan. Pasusundan na sana kita kay Melong ngunit naisip ko na baka magkaiba kayo ng dadaanan magkasalungat pa kayo kaya hindi ko na lamang siya pinasunod sa'yo," biglang bawi ni Hillary. Mabilis ding nawala ang talim sa kanyang tingin ngunit makikita pa rin ang disappointment sa kanyang mukha. Iniisip siguro niya na uuwi ako sa bahay nila na punit-punit ang damit at bugbog-sarado. O baka iniisip niya na hindi na ako makakauwi pa sa bahay nila."Siyempre buhay pa ako. Ngunit muntik na akong mapahamak dahil sa isang Dust Wolf na nagtangka ng masama laban sa akin. Nguniy hindi siya nagtagumpay dahil dumating si Alpha Hunter at iniligtas niya ako," pagbabalita ko sa kanya. Biglang namutla ang mukha ni Hillary nang marinig ang pangalan ni Alpha Hunter. Alam kong natatakot at
Keiver PovKakagaling ko pa lamang sa bahay ng isa sa pinagkakatiwalaan kong tauhan dahil pinag-usapan namin kung paano namin masisira ang pangalan ni Alpha Hunter. Hanggang ngayon ay hindi ko pa rin matanggap na siya ang naging alpha sa halip na ako. Hindi ko matanggap na nasa ilalim ako ng pamamahala ng isang teenager. Malaki ang naging ambag ko kung bakit ang ama ni Alpha Hunter ang naging alpha noon. Ginawa ko ang lahat para maging matatag siya sa kanyang posisyon bilang alpha. Sinunod ang lahat ng mga ipinag-utos niya sa akin at nagpaalipin ako sa kanya dahil umasa ako na kapag namatay siya ay ako ang ipapalit niya sa kanya bilang bagong alpha ng Golden Wolf Pack. Ngunit sa aking malaking pagkadismaya ay ipinamana niya ang titulo sa kanyang legitimate na anak na noon ay maglalabinwalong taong gulang pa lamang. Bagama't malakas at matapang si Hunter ay hindi ko pa rin siya gusto na siyang papalit na maging alpha ng aming pack. Maliban sa masyado siyang bata pa ay sobrang malaki n