Kabanata 77

Matagal na pinakatitigan ni Semion si Celeste habang ito’y kanina pa nakatulala sa harapan ng salamin. Tumutulo ang buhok nito marahil katatapos lamang maligo, at nakasuot na rin ng preskong pajama.

Nakauwi na silang pareho sa mansyon at kasalukuyang nasa loob ng sariling kwarto upang sana’y mamahinga. Subalit kanina pa siya hindi pinapansin ni celeste, wari’y nagkaroon ito ng sariling mundo dahil sa nangyari kanina sa party.

Kanina pa pinipigil ni Semion ang sama ng kanyang loob dahil diyon. Ang galit ay hindi mawala-wala sa dibdib niya dahil bumabakas sa alaala niya ang napanood na footage ng CCTV. Kung saan niyakap ni Darson si Celeste at hinalikan ito sa labi. Pagkatapos no’n ay saka dumating ang buntis na kabit ni Darson.

Ang mga kuko ni Semion ay nakabaon na kanyang palad, nagsusugat at bahagyang nagdurugo. Apektadong-apektado siya sa nakita. At naiinis siya na nasa ganitong estado ngayon si Celeste. Kung hindi lang siya sanay na itago ang tunay na nararamdaman ay malamang napag