Kabanata 78

Kabanata 78

Nanlalamig at naninigas ang buong katawan ni Celeste nang muli siyang halikan ni Semion sa mga labi. Mas lalo pang nanindig ang kanyang mga balahibo sa braso nang kagatin nito ang ibaba niyang labi dahilan upang mabuka ang kanyang bibig. Napugto niya ang sariling hininga nang ipasok nito ang sariling dila.

“Mmhmpp!” napaliyad siya, halos ibaon ang sariling likod sa patpat ng upuan. Hinawak niya ang dalawang kamay sa dibdib ni Semion, nanlalambot itong tinulak. Subalit hindi ito natinag.

Sa tuwing mas lalo siyang lumalayo, mas lalo naman nitong nilalapit ang sariling mukha at katawan sa kanya.

Bukod sa tunog ng paglalapat ng kanilang mga labi, wala ng ibang naririnig si Celeste kundi ang lakas ng pagtibok ng kanyang puso.

Totoong nangyayari ito at hindi isang ilusyon. Hinahalikan siya ni Semion!

Mariin niyang napikit ang mga mata, walang magawa kundi ang hayaan ito sa ginagawa. Iniisip niya kung anong nangyari ngayon-ngayon lang, at bigla silang nauwi sa ganitong sitwa