112 - Custody?

Matapos ang masarap at makahulugang hapunan, sinamahan nina Amber at Natasha si Eliza pababa sa hotel lobby hanggang sa makasakay ito sa kanyang sasakyan.

Nagpaalam si Eliza sa kanila sa pamamagitan ng maikling yakap at isang mahigpit na paalala sa mga mata.

“I expect results, Amber.” Huling wika ng ginang bago sumakay.

Tahimik na pinanood nina Amber at Natasha ang papalayong sasakyan hanggang sa tuluyan itong mawala sa kanilang paningin.

Aalis na sana sila nang biglang hawakan ni Natasha ang braso ni Amber, dahilan para mapatigil ito sa paglalakad.

“Problema mo, Asha?” tanong ni Amber, na agad napakunot-noo nang makita ang kakaibang ekspresyon ng kaibigan.

Ngunit hindi agad sumagot si Natasha. Nanatili lamang itong nakatingin sa iisang direksyon, ang mga mata’y bahagyang nanlalaki.

Sinundan ni Amber ang tingin ni Natasha—at doon na rin siya napahinto.

Nanlaki ang kanyang mga mata. Ang kanyang anak na si Mavy ay nakitang masayang nakahawak sa kamay ni Zendaya Madrigal. Pareho silang na