Chapter 15

KADILIMAN ang unang bumungad kay Elysse nang marahan niyang buksan ang pinto ng kuwarto ni Carson. Tinig ng kanyang Ate Elizabeth ang kaagad na narinig nang siyaʼy makapasok na sa silid. Masayang tinig na noong nabubuhay pa ito.

Ilang hakbang ang kanyang ginawa at sa ilang hakbang na iyon ay hindi siya nagkamali ng hinala. Nakabukas ang tv screen ni Carson na kasalakuyang video nila ni Elizabeth ang nakasalang. Kuha iyon noong mga panahong masaya pa ang dalawa. Panahong mga bata pa at talagang nagmamahalan.

Hindi man niya aminin ay may kirot siyang naramdaman. Kirot para sa nag-iisang kapatid.

Inilibot niya ang paningin. Dumako ang kanyang mga mata sa malaking screen ng tv kung saan naka-focus sa mukha ng kanyang ate ang video cam. May malawak na ngiti at punung-puno ng sigla ang mukha roon ni Elizabeth. Malayung-malayo sa nahihimlay nitong sitwasyon ngayon.

Sumunod na nilakbay ng kanyang mga mata ang mga nagkalat na mga bote at lata ng mga alak. Halos lahat ay nakatumba, indikasyon