Chapter 14

ALAS cinco y media pa lang ng umaga ay bumiyahe na ako paluwas upang masigurong hindi nga talaga ako male-late sa unang araw ko sa AGC.

Sa totoo lang, hindi talaga mawala-wala sa isip ko ang katagang binitiwan ni Sir Yuan na I will punish you sa oras na ma-late raw ako sa pagpasok. Nagmistula iyong echo, na paulit-ulit na umaalingawngaw sa pandinig ko.

Habang naglalakad ay isinasabay ko na rin ang pagkakabit ng temporary ID sa gitnang bahagi ng blouse ko. Patakbo na nga ang ginagawa kong paghakbang sa limang baitang, paakyat sa pinaka main entrance ng building. Salamat sa Betadine at limang band-aid strips na ipinantapal ko sa mga paltos ko sa paa at nagagawa ko na ngayong maihakbang ang mga ito nang maayos.

Nakita ko kaagad ‘yong guard na nakausap ko. May kinakausap ito sa radio transceiver na hawak, habang ang mga mata ay abala pa rin sa pagmamasid sa mga taong pumapasok sa loob.

“Good morning po, Kuya Boy!” masiglang bati ko rito. Kinuha ko ang ballpen at agad na nag-time in sa l