Chapter 25

"Hindi niyo pa ba napag-usapan ni Wregan ang kasal?" pag-usisa ni Leonora na nanonood sa paglalagay ni Carnation ng icing sa baked cupcakes. Gawa niya iyon, nag-request kasi si Carlgem ng pastries na siya mismo ang nag-bake.

Tumunog ang oven kaya tinalikuran niya saglit ang madrasta upang kunin ang luto ng cookies. Ipinatong niya ang baking pan sa rack at muling hinarap ang madrasta.

"Hindi pa namin napag-uusapan 'yan tita. 'Di ko nga alam kong legit ba ang proposal niya sa akin, wala naman kasing ibinigay na sing-sing si Wregan." Hindi na itago ni Carnation ang disappointment. They're in the middle of love making when Wregan proposed to her. 'Di niya alam kung biro lang ba nito iyon, basta sumagot siya ng, "yes!"

"Ano ka ba," panimula ng madrasta niya na hindi agad naka-imik sa rebelasyon niya. "Hindi naman sa sing-sing binabase 'yan, kundi sa nararamdaman ninyo ng kasintahan mo para sa isa't-isa."

"Kahit na tita, iba pa rin talaga ang may sing-sing,