Kabanata 51

“Naaamoy niyo ba ‘yong naaamoy ko?”

Nagkunutan naman ang noo nina Ruther at Farrah hanggang sa mapatingin sila sa gilid ng lalaking kasama ko.

“Yong mga papel nasusunog!”

Mabilis silang tumakbo papunta doon para apulahin ang apoy at kuhain ang libro.

“Yong mga ebidensya!” muling sigaw ni Farrah at mas lalo silang nagtaranta dahil mabilis na kumalat ang apoy. Hindi na nila napansin ang kasama ko na nakatayo na. Paano niya nagawang makatakas sa tali? Paano niya nakuha ‘yong nahagis kong lighter sa sahig?

Kumakapal na ang usok sa kwarto dahil marami-raming libro na ang nasusunog.

“Kumuha kayo ng tubig!” sigaw ni Rue. Mukhang hindi naman siya napansin ng dalawa dahil busy ang mga ‘to na kuhain ang mga librong hindi pa nasusunog.

Kaya pala ang laki ng kwartong ‘to dahil dito lahat nakalagay nang ebidensya.

Mas lalo pang lumakas ang apoy at kumapal ang usok kaya mas lalo na rin akong nahirapan huminga. Halos maubo-ubo narin s