Chapter 57

ILANG ORAS DIN na nagkwentuhan si Ice at ang kanyang mga magulang sa loob ng kanyang silid. Ramdam niya na sobrang na-miss ng kanyang mga magulang. Ramdam din niya ang kasiyahan sa bawat kwento ng mga ito. Napakasigla ng tinig ng kanyang mommy habang nagku-kwento at ang kanyang ama naman ay laging tumatawa. Tila ba sa loob ng tatlong taon ay ang dami niyang na miss na pangyayari sa buhay ng mga ito, kahit pa sabihin na halos araw araw niyang kausap ang mga ito via long distance call.

Hindi bale, babawi siya sa kanyang mga magulang ngayong nagbalik na siya. Ilang saglit pa ay iniwan na muna siya ng kanyang mga magulang at sinabihan na magpahinga na muna. Pagkasara ng pintuan ay inilibot niya ang tingin sa kabuuan ng kanyang silid.

Tama ang kanyang ina, mukhang alagang alaga nga iyon sa linis kahit sabihing wala siya roon. Wala ring nag-iba sa ayos ng kanyang s