Chapter 25

Tumapak ang liwanag ng umaga sa buong paligid. Hindi na ako nakatulog. Sino ba naman kasing makakatulog kung si Jervis at ang galit niya ang iniisip ko? Hindi ko alam paano siya amuhin ngayon.

Nakapagluto na ng almusal si Tita at sabay-sabay kaming kumain except kay Jervis na sabi niya busog daw pero halatang iniiwasan naman niya ako. Kung pwede ko lang sana siyang pasukan sa kwarto niya, ginawa ko na. Nandito lang kasi si Harvick kaya't hindi pwede.

"Hello, babe." Nilapitan ako ni Harvick na kulang na lang ay mapupunit na ang kanyang labi sa lapad ng kanyang tingin. Inobserbahan ko ang napaka-inosente niyang mukha. Pilit akong ngumiti sa kanya para hindi niya mahalatang problemado ako. "Strawberry farm tayo."

"Yeah. Masaya 'yon," niyakap ko ang katawan niya habang pinagmamasdan ang mga sasakyan.

Siyempre hindi pa rin naman maiiwasan ang saya ko na sa wakas ay nililigawan na rin ako ng crush ko pero parang mayroong pumipigil sa puso ko at sa isip ko na huwag ko muna siyang sagutin.