Chapter 10

Hanggang sa makabalik ako sa loob ay hindi ko na magawang intindihin ang palabas, maging nang matapos ito. Panay naman ang kwentuhan ni Cassy at ang kaibigan ni Erries tungkol sa palabas. Narinig ko rin na nagsalita siya, at tumatawa na para bang walang kakaibang nangyari sa aming dalawa. Paminsan-minsan ay napapasulyap ako sa kanya at nahuhuli niya akong nakatingin sa kanya. Ngunit, siya lang rin ang umiiwas nang tingin.

Nag aya si Cassy na kumain, kasabay nila at tinanggap naman iyon ng mga ito dahil nagutom rin sila sa pinanood namin, kahit pa panay naman ang kain nila sa dala nilang pagkain kanina. Si Erries ang nag alok na magbabayad sa kakainin namin at talagang nagtalo pa sila ni Cassy dahil nakakahiya naman iyon dito. Ngunit sa huli ay si Erries pa rin ang nagpresinta na magbayad.

"Siyanga pala, nakausap ko na si Mr. Martinez., pumapayag na siyang maging ka-partner natin. He's willing to invest our company and sale some of our design dressed," mayamaya ay sabi