Chapter 4 - The Troubled Child

“Kapag napansin nyo na dumating, tell her to call me, please. Thank you,” bilin nya sa receptionist na naka-duty sa condo na malapit sa airport. Tumawag na rin sya sa penthouse.

“Nasaan kaya ‘yung babae na ‘yon?” tanong ni Joaquin sa sarili. Kahapon pa hindi sumasagot sa mga tawag nya si Abby. Plus one nya sana ang bestfriend kung nagkapag-usap lang sila kahapon. Nawala naman sa isip nyang banggitin ito noong nakaraang araw na tinulungan sya ni Abby na i-vacate ang binentang condo unit.

Sa ganitong mga pagkakataon kailangan nya ng suporta ng kaibigan. Hindi sya sanay sa mga ganitong pagtitipon kaya mas gusto nya sanang kasama nya ang bestfriend. Kahit lagi silang nag-aasaran ay masarap itong kasama. Nabalitaan lang kasi nyang pupunta si Jessica sa party kaya tinanggap nya ang invitation. Marami syang gustong sabihin dito na hindi nya nasabi noong bago sila naghiwalay. Baka makumbinsi rin nya itong balikan sya.

Hinanap nya sa karamihan ng tao ang mukha ng babaeng umiwan sa kanya three years ago. Hindi nagkamali ang source, naririto nga ang babae na nakatingin na sa kanya bago pa nya ito makita. She looks thrilled as she approaches him.

“Oh, hi Joaquin! They told me you’re coming,” bineso sya nito.

“H-how are you?”

“I just arrived from Canada the other day.”

“Yeah, I heard,” he pretended to look cool. Pero hindi maitago ng mga mata ang tuwa nya nang makita ang nag-iisang babae na minahal nya nang totoo.

“It's nice to see you talaga...” Tinitigan sya ng babae nang matagal saka muling nagsalita, “look, I am really sorry about what had happened last—”

Ito na iyong cue nya, sasabihin na nya ang kanina pa nya kinakabisado sa isip, kaso natigilan sila pareho nang may lumapit na lalake. Hin*gkan nito ang babae sa labi.

“Hi sweetheart!” bati ni Jessica sa lalake, “I’d like you to meet Joaquin Molina Verdaguer. He is the CEO of AVTech Cyber Solutions Philippines, such an established man at the age of 26!”

Tila umurong ang kanyang dila. Hindi dahil sa puri ng ex, kundi dahil sa lalakeng nakakapit sa bewang nito.

"Hello, Joaquin! Nice to meet you. Matunog na matunog ang expansion nyo sa Europe, how’s it going?”

“Nice, nice!” napakatanga ng sagot nya.

“That’s good to hear.”

Nabasag ang ilang segundo ring awkwardness sa kanilang tatlo nang magsalita si Jessica.

“Well, enjoy the party, okay? I heard they serve the best girls here,” kindat ng babae sa kanya, pagkatapos ay naglakad ang magkasintahan nang magkaakbay palayo para makihalubilo sa ibang mga guest ng party.

Naiwan syang nakatulala. Hindi nya iyon inasahan. Agad nyang pinagsisihan ang pagpunta nya sa party.

“Drinks, sir?” alok ng waitstaff na naka-French maid costume.

Magkasunod na nilagok nya ang dalawang baso ng whiskey na kinuha nya sa tray ng waitstaff. Magpapakalunod na lang sya sa alak para makalimutan nya ang rason kung bakit sya naroroon sa party at nag-iisa.

He is the award-winning CEO of one of the largest cybersecurity solutions in the country. He drives his '67 Chevy Corvette with style. He owns the most luxurious penthouse. He can go all around the world and can still earn seven f*cking digits each month. Gwapo, matalino, at madiskarte. Nakukuha nya ang lahat ng babaeng matipuhan nya. And yet, hindi pa rin sya masaya, ang dami pa ring kulang. Gusto nyang ituwid ang pagkakamali nya kay Jessica, pero sa nakikita nya ay mukhang masaya na ito sa bago nitong relasyon. Ang Mamá at Lolo nya ay pinipilit syang mag-base na rin sa Amerika para sundan ang yapak nito bilang Chairman of the Board na mariin nyang tinatanggihan. Idagdag pa rito ang kanyang bestfriend, na sa dinami-rami ng kursong related sa computers ay nursing ang naisipang kuhanin.

Abby.

Tinitigan nya ang babaeng kayakap ng Governor ng hindi nya matandaang probinsya.

‘Parang si Abby ‘yon,’ siningkit nya ang mga mata.

Nakailang whiskey palang naman sya, hindi pa sya lasing. As far as he knows, wala itong boyfriend at imposibleng makarating dito si Abby nang mag-isa, exclusive ang party na ito. Kinurap-kurap nya ang mga mata at pinagmasdang muli ang dalawang magkayapos. This time, parang pumipiglas na ‘yung babae.

Hindi nya naiwasang hindi mag-usisa. Pasimple syang umakyat sa staircase.

“Brod, parang ayaw yata eh,” sambit nya habang iniinom ang tangang baso ng alak.

Ipit ang iyak ng babaeng waitstaff. Nakayakap ang isang kamay sa sarili habang ang isang kamay ay pilit na tinutulak palayo ang lalakeng pini-pin sya sa pader at sinusubukang ipasok ang susing hawak sa door knob ng katabi nilang kwarto.

“Brod, this is how she likes it.”

“Ayoko po… Please, please…” mangiyak-ngiyak na pakiusap ng babae.

“Oh, ayaw nga! Hindi mo narinig?!”

“Brod, imbis na mangialam ka tulungan mo na lang akong buksan ‘tong pinto, maybe you can join us for a threesome,” ngisi ng lalakeng pawis na pawis, inaabot nito sa kanya ang susi.

Sa kapipilig ng babae ay natanggal ang mask nito sa pagkakasabit sa isang tenga, agad nito tinakpan ng dalawang kamay ang bibig.

‘SI ABBY NGA!’

“What the hell??!”

Ngunit parang hindi sya nakikita ni Abby sa sobrang takot sa lalakeng kumokorner sa kanya sa pader.

“Bitiwan mo brod,” tiim ang bagang nyang sabi. Nagdidilim na ang paningin nya sa lalakeng pilit na humahaklit kay Abby.

“Bakit? Syota mo ba ‘tong hostess na ‘to?”

“Ang sabi ko, bitiwan mo!!!” sinapak nya agad ang lalake. Napamaang ito sa ginawa nya. Nabitawan nito si Abby na nanginginig na lumayo agad at pumina sa likuran nya.

“Eh g*go ka palang pakialamero ka eh!!!” sinuntok din sya nito sa panga. Gigil na gumanti sya ng suntok hanggang sa nagrambulan na sila. Nakakuha sya ng buwelo nang bumagsak ang likod ng lalake sa sahig. Sinuntok nya nang sinuntok ang mukha ng bastos na lalake.

Naghiyawan ang mga guests sa party nang makita ang kaguluhan.

“Pren tama na! Tama na!!!” umiiyak na awat ni Abby sa kanya, niyayakap sya nito sa likod at pilit na itinatayo sa pagkakasakay nya sa lalakeng duguan na ang mukha.