Chapter 3 - The French Bar Maid’s Knight in Shining Armor

“Ano, push ka ba? Malinis na 15k ‘yun sis!” excited na ibinalita ni Jane ang raket na nasagap nya.

Buti na lang at tumawag na ito dahil hindi na naman sya patutulugin ng kakaisip nya kung saan sya hahanap ng pang-matrikula. Kinausap na sya kanina ng registrar ukol sa kanyang lumalaking utang na kailangan muna nyang mabawasan bago sya maaaring makakuha ng final exam. Kaso parang hindi naman sya kumporme sa raket na nakuha nito.

Private party ang tinuran ng kaibigan. Sa salitang ‘private’ palang nagdalawang-isip na sya. Mula raw sa isang dating katrabaho ni Jane ang raket na iyon. Ibig lang sabihin ay wala silang service van at bodyguard na makakasama dahil hindi galing sa Madame Gracia nito ang tawag.

“Magse-serve lang daw ng drinks ang gagawin, sis!” dagdag nito nang hindi sya nakapagsalita, “mayayaman ang mga invitees. Mga pulitiko at mga negosyante, for sure pangmalakasan ang tip do’n!”

“Ewan ko lang sis ha,” hininaan pa nyang lalo ang boses nya at baka marinig sya ng nanay nya at kapatid na nakahiga na sa sahig ng kwarto, “hindi ba delikado?“ Nakakabalita pa naman sya noon ng masasamang pangyayari sa mga private parties ng mga mayayaman.

“Praning lang, sis? ‘Kala ko need mo ng pera? Pagkatapos na pagkatapos ng party ay ibibigay na sa atin ‘yung bayad, oh di ba? Ano ba’ng naiisip mong pwedeng mangyari sa ‘tin do’n?”

Napaisip sya. Ito ‘yung point na kumakapit na naman sya sa patalim para mairaos ang problema nya sa pera. Maraming pagkakataon naman na nagkakasama sila ni Jane sa mga sideline pero sa awa ng Diyos ay wala naman nangyari pang kakaiba sa kanila. Hindi rin sya iniwan nito kahit isang beses.

“Si-sige, basta ha, ‘yung plano gano’n pa rin. Kapag nagkagipitan, ‘wag mo ‘kong iiwanan,” ni-remind nya ang kaibigan.

“Oo naman, sister. Sabay tayong tatalon sa pader!” hagikhik nito.

+++++

Sabado ng hapon. Maaga ng isang oras sa mismong party ang call time nila.

Tinuwid nya ng kamay ang skirt na suot. Walo silang mga babae na pare-parehong naka-French maid costume, may kasama itong half-face mask na susuotin din nila para maitago ang kanila ang kanilang mukha.

“Eto oh,” binigyan sya ng isang babae ng tissue, sabay hinapit paakyat ang malulusog nyang dibdib. Lalo itong bumukol sa ibabaw ng kanyang masikip na suot, “i-blot mo sa cleavage mo,” napansin siguro nito na pinagpapawisan sya. Paano’y bukod sa mainit sa katawan at masikip na parang plastic leather ang suot nila ay hindi sya inaalisan ng kaba lalo na ng sabihin ng organizer na maging magiliw sa lahat ng oras sa mga guests at huwag na huwag sasabihin sa kahit kanino ang pangalan nila.

“5 hrs lang ‘to, pagkatapos nito 15k agad-agad, sis,” pinisil ni Jane ang kamay nya. Huminga sya nang malalim baka sakaling mabawasan ang pagtatahip ng dibdib nya.

May 40-50 guests na hinihintay ang organizer ng private party na iyon. Na-excite syang makita na pawang mga prominenteng tao na nakikita nya lang sa TV at dyaryo ang naririto. Mga batang pulitiko, celebrities, at mga businessmen ang nagtipon-tipon sa event. Inayos nya ang pagkakatabing ng mask sa kanyang mukha saka muling naglakad.

Nagitla sya nang may biglang pumalo sa kanyang pwetan. Hinarap nya ito at inalok ng natitirang alak sa bitbit na tray.

“Drinks, sir?”

“Great ass,” nakakalokong ngisi ng lalake. Kilalang pulitiko ang lalake na madalas mapabalita sa TV sa mga ginagawang community service nito.

‘G*go!’ minura nya ito sa isip.

Pumikit sya, saka huminga nang malalim. ‘15k, Abegail, saglit na lang makakauwi ka na,’ minotivate nya ang sarili at nagpatuloy sa pagrampa nya dala ang tray.

Lumalalim na ang gabi nang makita nya ang pamilyar na mukhang nakaupong mag-isa sa may pool area.

“Shit! Si Joaquín!” natigilan sya sa paglalakad. Pininahan sya ni Jane nang mapansing napako sya sa kinatatayuan.

“Sis, akyat tayo,” bulong nito. Dagli naman syang sumunod sa kaibigan para maiwasan na rin na magkadaupang-palad sila ng bestfriend.

Sumunod sa kanila ang lalakeng humampas sa kanya kanina.

“Hey,” hinarang ng lalake ang katawan nito sa daraanan nya.

“You need drinks, sir?”

“Can you give me something better?”

Kinorner sya nito sa isang sulok. Hinawakan sya nito sa kanyang bewang habang ang isang kamay ay nakatukod sa pader sa kanyang likuran.

“What’s your name?” amoy na amoy nya ang scotch na ininom nito, pinadaloy ng lalake ang kamay nito mula sa kanyang bibig papunta sa namumutok nyang cleavage, sabay pisil sa kanyang kaliwang dibdib.

Kinilabutan ang buong katawan nya sa gulat at takot. Tinakpan nya ng isang kamay ang kanyang harapan nang idikit pa ng lalake ang katawan nito sa kanya.

“I-i can’t tell you m-mine, unless you tell y-yours,” kandautal sya sa kaba. Naalala nyang binilin ng organizer na huwag sasabihin ang pangalan nila.

“You don’t know me?” mala-satanas ang ngisi ng lalake, “mas maganda ‘yang hindi mo ako kilala, well, I can show you,” bigla syang siniil nito ng halik, nabitawan nya ang dalang tray. Gumulong ang lamang mga baso sa sahig. Nagkandauntog sya sa sinasandalang pader sa kakaiwas sa mga halik nito habang tinutulak ang lalake sa pagkakadiin ng katawan nito sa kanya.

Lalo syang binalot ng takot nang madama nya ang matigas na bahagi ng katawan nito na tumutukod sa puson nya.

“S-top, stop it, please,” mahinang sambit nya sa pagitan ng mga halik nito sa kanyang bibig.

“Stop? Ooh, I like that, gusto ko ‘yung medyo nanlalaban.” Napipiglas sya nang umpisahan ng lalakeng halikan ang kanyang leeg. Hinahanap nya sa likod nito si Jane para magpasaklolo pero hindi nya makita ang babae.

“Brod, parang ayaw yata eh.”

Narinig nya ang boses ni Joaquín na papalapit sa kanila.