CHAPTER TWENTY

MAGTATANGHALI na ng makarating sila sa Hacienda. Agad na nagtatakbo papasok sa malaking mansyon si Amanda Veron pagkabukas pa lamang ni Pamela sa pinto ng sasakiyan. Naiiling na lang ito, narinig pa niya ang tinig ng pamangkin na si Vince na sumalubong sa pagpasok ng anak.

Napupuno ng ingay ng dalawang bata ang loob ng kabahayan kapag nagpupunta sila roon.

"Naku! mamaya pa makakapaghain si Nana Losita. Hindi ko aakalain na mapapaaga ang pagdating niyo,"nagpapasensyang ani ni Camella matapos na magyakap at magbeso sa kapatid na si Pamela. Tinanguan lamang naman ni Varun ang hipag, kasalukuyan kasing nakatingin sa may hardin ito. Katulad ni Pamela ay mahilig sa paghahalaman ang lalaki.

"Oo nga ate, first mass kasi kami umattend ng mass. Okay lang, magaalas-nuebe pa lang naman ng umaga eh,"tugon ni Pamela matapos nitong tignan ang Calvin Klein na relos na suot-suot.

"Gusto niyo na muna bang magmeryenda, magpapahanda muna ako kay Nana Losita,"suhestiyon n