Chapter 66

Isang buwan na ang nakalipas ng mangyari ang lahat. Nalaman din nila Dark ang nangyari at sobra ang pag aalala ni Calli sa kaibigan pero hindi pa siya makakauwi ng mga oras na 'yon dahil kabuwanan niya. Samantalang sina Cain at Monique naman ay pumunta na ng ibang bansa, hanggang ngayon ay hindi pa sila nakakahanap ng donor pero tiwala silang makakahanap din sila.

Nandito ngayon sina Jewel sa New York kasama ang kanyang mag ama, halos isang linggo na rin silang nandito at sobrang saya ni Jewel dahil sa wakas ay naging maayos na ang relasyon ni Storm sa kanyang ama.

Kasalukuyan silang nasa isang resort dahil may meeting daw dito si Thunder, hindi maintindihan ni Jewel kung bakit kailangan pati sila ay isama ng asawa gayong meeting lang naman 'yon. Sinubukan tanungin ng dalaga ang kanyang anak ngunit hindi din ito sumasagot. Nakakaramdam tuloy siya ng kakaibang kaba. Pasado ala sais na ng gabi kaya nagbihis na si Jewel, simula kaninang umaga ay hindi niya pa nakikita a