Chapter 67

“Liana bakit ang laki-laki at ang ganda-ganda naman yata ng silid na ito ni Leyra? Hindi ba mahal dito?” nagtatakang tanong ni Nanay Perla sa kanya habang iginagala nito ang mga mata sa paligid ng silid.

Kadarating lang nito at ni Lester. Minabuti ng mga ito na bumisita doon upang matiyak na maayos ang kalagayan nila ni Leyra. Wala naman daw pasok kinabukasan at pinaliban na rin nito si Lester dahil tapos na rin daw naman ang exam ng kapatid niya.

Hindi agad siya nakaimik. Nag-aalalang napatingin na lang siya dito.

“May kailangan ba akong malaman?” nang-aarok ang mga tinging tanong nito sa kanya ng mapansin ang kanyang pananahimik. “Huwag mong sabihin sa aking si Jake ang may kagagawan nito?” muli nitong tanong na agad niyang pinabulaanan ng matinding pag-iling. “Kung ganoon… sino?” salubong ang mga kilay na tanong nito.

Huminga ng malalim si Liana at pagkuwa’y nagyuko ng ulo. Natatakot siya sa makikitang reaksyon ng matanda kapag sinabi niya dito ang totoo.

“Si Henry, ‘Nay…” mahinang