Chapter 28

 

What is Love?

“Heartbroken”

 

Nasa bukana pa lang ako ng hallway ng hospital ay sinalubong na agad ako ni Tita Eleanor. May pag-aalalang nakaguhit sa mukha nito.

Siya ang unang taong gusto kong tanungin ng lahat ng naiisip ko. Ngunit ngayong nandito na siya sa harap ko, ayaw ko na lang umimik.

Siya ang unang taong pinagkakatiwalaan ko kay Papa. Kahit noon na hindi ko siya gusto para kay Papa ay hinayaan kong makapasok siya sa pamilya namin. Ang maging kapalit ng aking ina dahil doon ko mapapatunayan na mas ikasasaya iyon ni Papa.

Hindi ko siya magawang sisihin sa nangyari dahil hindi naman talaga niya kasalanan.

“Si Papa po?” imbes ay tanong ko na lang sa kaniya.

Yumuko ito bago ako inihatid sa private room kung saan naka-kwarto si Papa. He’s sleeping peacefully in that bed.

I can’t help but shed a tear.

Pinangarap kong makatulog siya nang mapayapa pero ayaw kong makita na nararanasan niya iyon sa loob ng hospital.

Sumisikip ang dibdib ko, ang bigat ng mga mata