Chapter 33

 

What is Love?

“Lost of Comfort”

 

“Get me out of here, Ate. Please…”

Hanggang ngayon ay nadidinig ko pa din ang pagmamakaawa sa akin ni Iris na ilayo ko muna siya dito.

Kaya naman ngayon ay parehas kaming nasa sasakyan pabalik sa Batangas.

Mula sa madilim na kalagayan sa labas ay nilipat ko ang tingin sa kaniya. Malungkot ang mga mata nitong pinagmamasdan ang paligid sa labas ng bintana.

Ang balak na pakikipag-usap ko kay Axl ay hindi na naman natuloy. Hindi ko tuloy alam kung hanggang kailan kami magiging ganito.

Kahit sa pagdating namin sa mansion nina Lola, hindi pa din nagsasalita si Iris. Naririnig ko lamang ang boses nito kapag may itatanong ako at sasagot siya.

Hindi na kami nagtagal sa bahay dahil madaling-araw pa lang ay umalis na kami. Nagpaalam ako kay Papa at pinangakong dadalhin ko din siya dito sa Batangas para makapag-usap sila ni Lola.

Nami-miss ko na kung paanong malapit din sila sa isa’t-isa dati.

Sa pagkain namin ng umagahan, ganoon pa din ang