KABANATA 3 : Valuable thing

Keihro immediately destroy everything he could see. Ang mga nakatayong laruan na ginawa ay tinutumba niya. Pinagbabato ang mga laruan at sinisira ang mga ito.

Tila tuwang tuwa pa dahil sa nagkakagulong mga laruan. Tumagal nang halos dalawang oras si Keihro sa children's playground dahilan para masira ito ng lubusan.

Agad na pinatawag si Ryah nang makita nila ang nangyari sa playground. Nang makita kung ano ang nangyayari sa loob ay halos manlumo ang buong katawan ni Ryah. Nagkalat ang mga laruan at hindi na maintindihan kung ito ba ang naging paraiso ni Ruby.

Ang nag-iisang Christmas tree na siyang inayos kasama si Ruby at ng matandang si Mrs. Sandoval ay nakatumba na at watak watak ang mga parte. Hindi na madapuan kung saan na ang mga nakasabit dito.

Ang mga manikang dating buo pa at maayos ngayo'y para na itong basura. Napasinghap naman si Ryah ng makita ang building block na kastilyo na si Ruby mismo ang gumawa ay tumba na at nagkalat ang iba't ibang parte. Naalala pa ni Ryah kung gaano kasaya si Ruby at paano niya ipagmayabang sa kaniya ang ginawa.

Hindi na nakapag timpi pa si Ryah at agad hinanap si Keihro. Nang mahanap niya ito ay parang natutuwa pa't patalon talon.

“Who let you in?” May halong diin na sabi nito habang palapit sa batang lalaki.

“Hindi mo ito tahanan. Wala bang nagturo sa 'yo ng tamang asal habang nasa ibang bahay ka?” Nagkibit balikat lamang ang bata at tila walang nangyari. Hindi alintana ang galit na si Ryah.

“Si Daddy Grayson, and why do you care? Magiging akin din naman ang lugar na 'to.” Hindi makapaniwalang tumingin si Ryah sa batang lalaki dahil sa pagsagot nito, lalo na sa pagtawag niya kay Grayson ng Daddy.

Hindi niya inaakala na ang isang batang wala pang kamuwang muwang ay kaya ng sumagot sa nakakatanda sa kaniya.

Nakaramdam ng panginginig ang katawan ni Ryah dahil sa galit. Totoo man o hindi ang sinabi ng bata ay kailangan niya pa ring turuan ng leksiyon ang batang pasaway.

“You. Spoiled brat. Lumabas ka! Hindi ka welcome rito!” Hinawakan niya ang bata sa braso at inakay palabas.

Agad nagpumiglas si Keihro. “No! Let me go! Bakit mo ako itinataboy!” Sumigaw pa ito na parang humihingi ng saklulo dahilan para mas lalong mag-init ang ulo ni Ryah.

“Uncle Grayson! Uncle Grayson!”

Sa kabilang banda, narinig naman ni Grayson ang gulo mula sa labas ng kaniyang office. Kunot noo siyang tumayo upang tingnan kung anong kaguluhan ang nangyayari sa labas.

Pagkalabas ay bumungad sa kaniya ang galit na si Ryah habang higit si Keihro.

“What are you doing?” Kunot noong tanong nito. Bago pa man makapagsalita si Ryah ay tumakbo na papunta si Keihro kay Grayson habang umiiyak na tila nasaktan ng subra.

“Uncle Gray, ayaw niya po akong payagang maglaro roon. G-Gusto niya akong paalisin,” may halong hikbing ani niya.

Agad namang nagbago ang timpla ng mukha ni Grayson. Masama na kaagad ang ibinatong tingin kay Ryah. Matunog na napangisi si Ryah.

“What are you doing, Ryah? Kahit ang bata ay pinapatulan mo? Do it makes you feel good, huh?” Sarkastikong napatawa si Ryah.

“Baka gusto mo munang tingnan kung ano ang ginawa ng batang 'yan sa children's playground, lalo na sa mga gamit ni Ruby.” Kumunot ang noo ni Grayson at naglakad para tingnan kung anong mayro'n sa loob.

Bahagya siyang nagulat sa mga nagkalat na gamit at halos hindi na makilala ang playground. Bumuntong hininga siyang tumingin kay Keihro. “Keihro, what have you done?”

Napayuko naman si Keihro at nagsalita na may paggalang na malayong malayo sa inasal niya kay Ryah. “U-Uncle, hindi ko po sinasadya. Hindi lang po ako naging maingat sa paggamit. But, I can fix it uncle, 'wag niyo lang akong pagalitan at paalisin, please.” Nagmamakaawa at malambing ang boses nitong sabi.

Agad namang nanlambot ang puso ni Grayson at marahang ginulo ang buhok nito. “See Ryah? Normal maging makulit ang batang lalaki. He admit his mistake, so you do. No need to fuss over such a tiny issue.” Napatigil muli si Ryah dahil sa sinabi ni Grayson.

“Keihro, hindi na kailangan na ikaw ang maglinis diyan. May mga kasambahay tayo para maglinis diyan mamaya.”

Pinagmasdan ni Ryah si Grayson kung paano niya tratuhin ang ibang bata, kung gaano kalumanay na para niya na itong sariling anak. Napaiwas ng tingin si Ryah habang napapahawak sa dibdib na kumikirot.

Walang pasabing umalis si Ryah at dumeretso sa kuwatro ni Ruby. Nariyan nanaman ang mga nagbabadyang mga luha na pilit niyang pinipigilan. Napatitig siya sa mahimbing na natutulog na si Ruby. Naisip niya na hindi man lang magawa ni Grayson ang bagay na iyon para sa sarili niyang anak.

Nang muli siyang lumabas ay wala na si Grayson kasama ang bata. Isang mabigat na hininga ang pinakawalan niya at inisip nalang ang magiging kalagayan ng anak.

Sumapit ang buong gabi na walang sumipot na Grayson. Tanging si Ryah lang ang naging kasama ni Ruby. Hindi man lang binisita o kaya kinamusta ang kalagayan ng kaniyang anak.

Mas lalo lang nadagdagan ang sama ng loob ni Ryah at magsimulang manlamig ang nararamdaman.

Hindi naging maganda ang pagtulog ni Ruby at nagising siyang walang maramdaman. Labis ang pag-aalala ni Ryah sa anak dahil lumala ang kaniyang autism kaya dali dali itong tumawag ng isang psychologist.

Ang psychologist ay si Ailyn na si Grayson mismo ang kumuha na may mataas na sweldo. Siya ay mag-aaral na mula sa ibang bansa. Ang kaniyang kakayahan nito ay kinilala ng maraming tao.

Alas otso ang naging usapan nilang pagkikita ngunit hindi sumipot si Ailyn, ang psychologist. Dumating ang alas nuwebe saka lamang ito dumating.

Pagkarating ay bumungad agad ang naiinip niyang mukha na may halong pagkayabang. Pinagsabihan kaagad si Ryah dahil sa nangyari. “'Didn't I tell you not to let the child be too stimulated? Sa tuwing lumalargo ang sakit ni Ruby ay dahil pabaya ka, hindi mo siya inaalagaan mabuti. Bilang isang Ina, dapat ay alam mo na kung paano humawak ng responsibilidad!” Natigilan si Ryah dahil sa sinabi ni Ailyn. Naramdaman niya ang kirot sa kaniyang puso dahil sa mga salitang binitawan nito.

Dati nang ganoon ang ugali ni Ailyn. Ngunit kahit gano'n ay hindi pa rin sanay si Ryah at nasasaktan pa rin siya sa mga sinasabi nito. Para sa kalagayan ni Ruby, ay mas pinili niya na lamang manahimik at magkunwaring hindi naririnig at nasasaktan sa sinasabi nito

Napabuntong hininga nalang si Ryah at binuhat ang anak at hiniling kay Ailyn na suriin ang sitwasiyon.

Pagkatapos i-check ni Ailyn si Ruby ay nagsimula na siyang kausapin ito. Si Ruby, iniyuko lamang ang ulo na tila walang narinig.

Si Ailyn na walang pasensiya ay agad tumaas ang buses at pasigaw nang kinausap ni Ruby. “Ruby! Tumingin ka nga sa akin!” Nanginig ng bahagya si Ruby dahilan ng pagkagulat.

Napasimangot si Ryah. Si Ailyn lang yata ang nakikita niyang psychologist na tinatrato ang pasyente niya na ganito

“Ma'am, baka puwedeng 'wag niyo siyang takutin? Hindi maganda ang sitwasiyon ni Ruby. Natatakot siya.” Pakiusap ni Ryah dito.

Napataas ng kilay si Ailyn na napatingin kay Ryah. Matunog siyang napangisi. “Misis, please don't interrupt while I'm treating your daughter. Naiintindihan mo ba?” Tila walang pasensiya at mayabang niyang sabi.

Pagkatapos nito muli niyang inutusan si Ruby nang may mahigpit at pagalit na buses. “Sagutin mo ako kaagad!”

Palihim nalang na napabuntong hininga si Ryah habang alalang alala sa kalagayan ni Ruby. Wala rin siyang magawa dahil siya lang ang alam niyang makakapaggamot kay Ruby.