13

"Hello po, Tita," bati ko sa ina ni Sammuel na naabutan namin na hinahanda na ang mesa.

"Nand'yan na pala kayo. Nako! Pasensya na hindi ko pa nalinis ang mesa," mabilis na kumuha ng pampunas sa mesa ang ina ni Sammuel.

"Ma, ako na po dito..." Pero inagaw ni Sammuel ang basahan sa kanyang ina.

"'Wag na, tawagin mo na lang ang Papa mo na nandoon sa likod, hinahagod na naman ang kanyang manok."

Hindi nakinig si Sammuel sa sinabi ng ina niya, kinuha pa rin ni Sammuel ang basahan sa kanyang ina at siya na mismo ang nagpunas sa mesa.

"Ako na po, baka may niluto pa kayo doon," sabay lingon ni Sammuel sa dirty kitchen nila.

Napangiti na lang ako habang pinapanood ko si Sammuel na nagpupunas ng mesa.

I'm so lucky to have him. Mahal niya ang kanyang pamilya, may respeto, maalaga, at malambing pero hindi mawawala ang pagiging gwapo niya.

"Uh, Tita Sonya tulungan ko na po kayo sa pagluluto," iniwan ko si Sammuel doon para puntahan si Tita Sonya para tulungan siya.

"Malapit na ako matapos kay