CHAPTER III

ROUGJAN AISLINN ALLEJO

“You’ll die.” Natigilan ang mga Black Knight saka lumingon sa likuran nila. “Alis,” ma-awtoridad na sabi ng lalaki sa mga Black Knights bago ang mga ito nagsi-takbo.

"Duke," banggit ko sa lalaking nasa likuran paglingon ko. "Thank you."

"Are you okay?” Hahawakan niya sana ang braso ko pero kaagad akong umiwas. "You should take some rest," saad niya bago naglakad upang lagpasan ako.

Napabuntong hininga ako bago tuluyang napa-upo sa damuhan. Kanina pa nanghihina ang mga paa ko, at idagdag pa yung dalawang lalaki kanina.

"Rouge!" Napaangat ako ng tingin ng marinig ko si Aillard na patakbong lumapit sa akin.

"What happened? Ayos ka lang?" Tumango ako saka pinilit ang sarili kong makatayo. "Oh," aniya saka kaagad na inalalayan ang kamay ko dahil muntikan akong ma-out of balance.

"Salamat," saad ko saka inalis ang kamay ko sa kaniya.

"You look pale. Kaya mo pang maglakad?" Nababakas ko sa boses niya ang pag-aalala.

"Maputla lang. Kaya kong maglakad," sagot ko.

"Samahan muna kita sa dorm."

"Okay lang ako, bumalik ka na. Papasok ako sa next subject."

"Nagugutom din ako," aniya pa kaya tumango na lang ako saka sabay kaming naglakad papunta sa blood camp. Siguradong hindi siya magpapaawat.

Pagdating namin sa Blood Camp ay kaagad akong sumalampak sa couch para ipahinga ang sarili ko.

"Kumain ka." Saglit kong idinilat ang mata ko, kumakain siya ngayon sa lamesa.

"Busog pa ako," sagot ko saka ipinikit muli ang mata.

"Kahit kaunti lang." Hindi na ako sumagot kaya tumahimik na siya hanggang sa dalawin na ako ng antok.

"Gising na." Iminulat ko ang mata ko nang maramdaman si Aillard na bahagyang tinapik ang balikat ko.

Nakatulog na pala ako sa couch. Pagtingin ko sa cellphone ay 2:50 na, sampung minuto na lang at magsisimula na ang next subject.

"Magpalit ka na ng damit mo, baka ma-late tayo sa next class."

"Mhm," tugon ko saka tumayo saka pumasok sa k'warto namin para magshower saglit at magpalit na rin ng uniform. "Tara na," saad ko paglabas ng k'warto. "Kilala mo ba yung tinatawag nilang Duke?"

Napaisip siya. "Ryker yata, hindi ko maalala yung surname. Bakit?"

"Wala, narinig ko lang kanina," tugon ko. Hindi ko na binanggit ang nangyari kanina dahil sigurado lang akong mag-aalala sila.

Pagpasok ko sa next subject ko ay kasama ko si Alec. Kinumusta niya pa ako kaya sinabi kong ayos lang. Mabilis lumipas ang oras hanggang sa matapos ang klase namin kay Ms. Alcaraz, ang professor namin sa Filipino. English na ang susunod kong klase kasama si Aillard.

"Ayos lang pakiramdam mo?" Tumango lang ako sa itinanong ni Aillard saka naupo sa tabi niya.

Matapos ang naging klase namin ni Aillard kay Ms. Adeline ay sabay na kaming bumaba mula sa fourth floor. Sa ground floor ay naabutan namin sina Dieosh, kami na lang palang dalawa ang nahuli.

"Tara na," saad ni Dieosh saka naunang naglakad pero natigilan kaming lahat nang tila lumiwanag ang Veil Tower.

"Ano ‘yan?" bulong ni Alec na ngayon ay nakahawak ulit sa braso ko kagaya ng nakasanayan. May mga hologram na lumabas mula sa itaas ng tower.

"Student's General Ranking," pagbabasa ko sa mga salitang nakabold ang font.

Isa iyong hologram kung saan nakalista ang napakaraming pangalan ngunit kapansin-pansin ang sampung naunang mga pangalan ay kulay gold ang font kumpara sa karaniwang itim.

"Yan siguro yung ranking sa sinasabi nila."

"Nasaan yung atin?" tanong ulit ni Louise.

Sinuri kong mabuti ang buong image na ipinapakita ng hologram at sa bandang dulo ng listahan ay nakita ko ang mga pangalan naming anim. May isang pulang linya ang humahati sa limang pangalan na nasa pinakadulo.

"5358, iyon yung ranking ni Louise, sumunod si Aillard, Rouge, ako, at Dieosh," saad ni Alec.

"Ilan ang total number of students?" tanong ni Louise.

"5370," tugon ko.

"Teka, nasa'n na yung ibang students?" Paglingon namin sa paligid ay iilang students na lang ang nasa paligid namin at ang ilan sa kanila ay nakatingin pa sa amin.

"Sh*t. Las Noches de Matanza," ani Aillard kaya naman nagmadali kaming tumakbo patungo sa blood camp ngunit natigilan kami nang makita namin ang isang lalaking nakatayo sa harap ng hagdanan, si Rezon.

"Who's Dieosh Cua?" tanong niya saka tumingin sa akin.

"Ako," sagot ni Dieosh na binalingan ng tingin ni Rezon.

"You are the representative," saad ni Rezon na ikinagulat naming lahat.

"Bakit siya?" tanong ko.

"Bakit hindi siya?" sarkastiko nitong sagot kaya napakuyom ako sa kamao ko. Namumuro na sa'kin ang lalaking 'to. "Kung gusto niyong malaman ang resulta ng botohan, sumunod kayo." Muli niya akong tinapunan ng tingin saka naglakad patungo sa likuran ng building.

Sa likuran ng building ay makikita ang isang pinto, kagaya ng sa Cafeteria. Tahimik sa loob at walang tao. May isang malaking bilog na lamesa sa gitna ng silid at may labing tatlong upuan ang nakapalibot doon. Sa gitna ng lamesa ay makikita ang isang maliit na tila kahon at sa palibot no'n ay mga linyang umiilaw sa lamesa na nakatapat sa bawat upuan sa paligid.

Tumayo sa Rezon sa harap ng nag-iisang itim na upuan saka pinindot ang isang bilog na nasa ibabaw ng lamesa kaharap ng itim na upuan.

"Alam kong hindi niyo alam ang bagay na 'to kaya hayaan niyong ipaliwanag ko sa inyong anim ang mga patakaran sa Serpent Blood Camp. Ang nakikita niyo ngayon sa hologram ay mga listahan ng pangalan na kabilang sa Serpents." Kagaya ng hologram na nakita namin sa harap ng Veil tower ay gano'n din ang itsura ng nasa harapan namin ngayon.

"Ang Serpent Blood Camp ay mayroong Blood Council. Binubuo ng labing tatlong miyembro na pinamumunuan ko. Ang nakikita niyong nakapalibot na mga upuan sa lamesang ito ay sumisimbolo sa bawat miyembro ng blood council. Ang bawat isang miyembro ay pipindot sa bawat bilog na nasa harapan nila kung iboboto nilang representative ang napili ng randomizer ng hologram." Iniusog ni Rezon ang upuan saka umupo roon at ipinatong ang isang kamay niya sa lamesa. "10 over 13 ang nakuhang boto."

"Refusing is equal to death." Ngumisi siya saka sumandal sa upuan at bumaling kay Dieosh. "Mr. Cua, are you choosing death?"

"Who told you that I'm refusing?"

Matapos ang naging pag-uusap nina Dieosh at Rezon ay naiwan sila sa Training Camp para maghanda para sa larong sinasabi nila.

"Delikado yung larong iyon," alalang sambit ni Alec habang kumakain kaming apat. Tahimik lang si Louise na nakatingin sa pagkain niya.

"Don't worry, Dieosh can handle himself," saad ni Aillard saka tiningnan si Louise, marahil ay tinitingnan niya ang reaksyon nito.

Makalipas ang ilan pang minuto pagkatapos naming kumain ay siya namang pagtunog ng hudyat. Sumilip kami sa bintana pero hindi rin namin masyadong tanaw ang loob ng Blood Arch dahil medyo malayo ang distansiya no'n sa Blood Camp.

"Pwede ba tayong lumabas?" tanong ni Alec na ikinalingon ko.

"Delikado," sagot ko saka bumalik na lang sa couch, hindi ko rin naman sila makita.

"After 15 minutes bababa ako," saad ni Aillard.

"Bakit? Delikado sa labas," kaagad na tutol ni Alec.

"Kailangan ko lang abangan si Dieosh. Hindi natin alam kung anong nangyayari sa field." Marahang tumango si Alec saka naupo na rin sa tabi ko. Si Louise na lang ang naiwang nanonood sa bintana.

Ilang minuto kaming naghintay nang sumunod na si Aillard sa baba. Pinagdala na namin siya ng kutsilyo dahil siguradong hindi ligtas lumabas.

"Buksan niyo!" rinig kong kalabog mula sa pinto kaya naman patakbong lumapit si Louise para buksan ang pintuan.

"Dieosh! Bakit ang daming dugo?!" Mula sa pintuan ay tanaw ko si Dieosh na puno ng bahid ng dugo mula sa damit niya.

"Ayos ka lang?" kaagad na tanong ko kay Alec. Alam kong madalas siyang nasusuka kapag nakakakita ng dugo. Tumango siya saka lumapit sa kanila kaya sumunod ako.

"Anong nangyari sayo?" tarantang sagot ni Louise kay Dieosh nang makaupo ito sa dining chair.

May ilang galos ang mukha ni Dieosh pero maliit lang iyon, hindi ko lang sigurado kung may tama siya dahil bukod sa may mantsa ng dugo ang uniform niya, may kaunting mga punit ang naroon.

"Okay lang ako," natatawa pang tugon nito saka mabilis na h*****k sa pisngi ni Louise na inis siyang itinulak.

"Uminom kang tubig! Magbihis ka na para makapagpahinga ka," saad nito saka inilapag sa table ang isang basong tubig.

"Kumusta yung laban?" tanong ni Aillard na nakaupo sa harap na upuan habang kaming tatlo ay nakatayo lang sa likuran ni Dieosh.

"Muntikan ng matalo, ang galing lumaban nung Rezon," pagkukwento nito.

"Ano naman 'to?" puna ni Louise nang makita ang isang maliit na pin sa balikat ni Dieosh.

"SCF#09," basa ko sa nakasulat dito.

"Sinama na nila ako bilang Serpent Camp Fighter."

"Ano? Bakit hindi ka tumanggi?!" inis na sabi ni Louise saka mahinang hinila ang buhok ni Dieosh.

"Bawal tumanggi eh, saka magsisimula na raw bukas yung pagbabago ng set up ng bawat Blood Camp. Dati raw kasi ay idinadaan sa botohan ang magiging representative ng Blood Camps, ngayon hindi na. Kailangan na nila ng official na representative."

"Kung gano’n, edi lagi kang lalaban?" tanong ni Alec.

"Sabi ni Rezon hindi naman daw. Since may sampung official fighter yung Serpents, rotation lang bawat gabi."

"Tss. Kumain ka na, inaantok na 'ko," Louise saka tumungo na sa kwarto kaya kaming apat ang natira sa kusina.

"Maligo ka na," saad ko saka sumunod kay Louise habang si Alec ay sumunod na rin.