Chapter 18

Naging matulin ang paglipas ng panahon, Siyam na buwan na ngayon ang tiyan ni Devine, at ano mang oras ay manganganak na siya. Sa loob ng walong buwan ay wala man lang siyang naging balita na hinahanap siya ni Garrett.

Napa-hugot siya ng malalim na hininga kasabay ng paghaplos niya sa kanyang tiyan, dahil sa biglaang paggalaw ng bata sa sinapupunan niya.

Nasa balcony siya ngayon at inaaliw ang sarili sa panunood sa hardin. May tatlong buwan nang dalawa lang sila ng katulong ang nasa bahay ni Sam, dahil bumalik na ito sa  New York.

Madalas din namang dumadalaw sa kanya si Sage. Pero nitong nakaraang dalawang linggo ay dalawang beses lang dahil naging mahigpit daw ang amo ni Sage sa Kumpanyang pinagtatrabahuhan niya, ayon kay Sage ay dahil nagpalit sila ng CEO.

Ilang sandali pa ay naagaw ang atensyon niya sa pagdating ng itim na Mercedes G63. Mula sa kinauupuan ay matatanaw niya ang tao sa labas. Tumayo siya upang lalo pang makilala kung sino ang dumati