الفصل الرابع عشر علي حافه الحقيقه

على حافة الحقيقة

أول حاجة سمعتها نوران... كانت صوت أنفاسها.

سريعة... متلخبطة... وكأنها كانت بتجري بقالها ساعات.

فتحت عينيها على تراب مالي الجو، ورؤية مشوشة من كتر الغبار. الكحة خرجت منها غصب عنها وهي بتحاول تقوم، لكن أول ما حطت كفها على الأرض، حست بالاهتزاز تحتها.

المكان كله كان بيتفكك.

حجارة بتنزل من السقف، وشقوق طويلة بتمشي في الأرض، وصوت بعيد بيتردد كأنه جاي من جوه الجدران نفسها.

رفعت راسها بسرعة.

أول اسم جه على بالها خرج من غير تفكير.

"حارس الظل!"

ماحدش رد.

قلبها انقبض.

لفت حواليها بعينيها