Walang tigil ang pagpapaulan namin ng malalakas na spell sa kinaroroonan ni Dolus. Bahagyang humina ang kaniyang kapangyarihan dahil sa ginawa ni Raid kanina. Ngunit, hindi pa rin maikakailang kayang-kaya niyang kaming tapatang lahat kahit na wala sa kaniya ang mga power stone. Sandali naman akong napatigil sa paglipad nang biglang tumili si Almirah. Napunta lahat sa kaniya ang atensyon. Napahawak siya sa kaniyang sinapupunan at tumingkad ang liwanag na nagmumula rito. Anong nangyayari sa kaniya? Manganganak na kaya siya? Mabilis na inalalayan siya ni Glade at saka binuhat na parang bagong kasal habang nakalutang ang lalaki sa ere.  Kinakausap ni Glade ni Almirah ngunit wala kaming panahon para panoorin sila. Naglagay si Glade ng vine barrier sa palibot nila para hindi sila maapektuhan sa anumang atake o spells. Naintindihan naman namin silang dalawa. Kailangan nilang protektahan ang kanilang magiging anak. At gano'n din kami. Ibin