Sumimangot si Selena nang lumapit siya para magtanong. "Oo nga, may nangyari bang maganda, ama? Ang dami niyong hinandang champagne!" Nagtaka din si Andrew. Hindi niya maintindihan kung bakit nagdiriwang sila sa katanghalian! "Mayroon ngang dapat ipagdiwang. May pipirmahang malaking proyekto si Ivan ngayon. Sabi ni Ivan na maaaring umabot sa 300 milyong dolyar ang kikitain sa proyektong ito! Halos kasing laki na ng kabuuang kita natin yun sa loob ng isang taon!"Ngumiti ang Old Master at nagmamalaking nagsalita. "Totoo yun, sa wakas ay may ginawang maganda ang Ivan na yun. Nakuha niya ang ganun kalaking proyekto!" Tumango si Theodore bago niya iniangat ang kanyang ulo. Tila masaya siya sa ginawa ng kanyang anak. "Hindi nga lang ako sigurado kung kaninong pamilya siya nakipag-usap tungkol sa proyektong 'to." Napasimangot si Selena dahil pakiramdam niya ay hindi kapani-paniwala na may nakuhang ganito kalaking proyekto si Ivan. "Ang mga Wilson ang kausap niya. Pumunta siy

Ngumiti si Fane. Yung totoo, noong magreretiro na siya sa pagiging sundalo, hindi mabilang ang mga taong palihim na kumausap sa kanya at nag-alok ng malaking halaga. Subalit, tinanggihan niya silang lahat. Dahil dito, imposibleng tanggapin ni Fane ang alok ni Ivan na apat na libong dolyar kada buwan na sahod at maging security guard. Lubhang napakaliit ng halagang ito para sa kanya. "Tama, tama. Ikaw ang boss, malaki ang naging kontribusyon mo sa bansa kaya malamang malaki ang binigay nila sayo, tama ba? Heheh, mukhang hindi ka naman namin dapat alalahanin!" Nang-iinisultong nagsalita si Ivan. Hindi siya pinansin ni Fane at sa halip, ay ibinaling ni Fane ang kanyang atensyon sa nakahandang champagne sa mesa. Pagkatapos ay sinabi niyang, "Old Master Taylor, hindi na ba tayo magdiriwang? Kung hindi pa tayo kakain, lalamig na ang pagkain!" Kumibot ang mga labi ni Old Master Taylor dahil hindi man lang nagdahan-dahan si Fane sa kanyang pananalita. May mga sinasabi siyang mga baga

Noong mapansin niya na tumanggi nang uminom si Fane at umiiling-iling na, palihim na natuwa si Ivan. Kung titingnang maigi, mukhang malapit nang malasing si Fane. Agad niyang sinabi, "Ayos lang yun. Sige na, masaya 'tong araw na 'to at dapat uminom tayong lahat ng tatlong shot!" "Sige ba!" Nagkunwari si Fane na naiipit na siya sa sitwasyon pero dahan-dahan niya pa ring ininom ang lahat ng alak. Sa sandaling ito, lagpas sa sampung baso na ang nainom ni Fane. Pati ang ilang mga elder at si Ivan ay marami na ring nainom at medyo lasing na din. Subalit, inisip nilang lahat na malapit nang malasing si Fane. "Tara, matagal na tayong hindi umiinom ng sama-sama, uminom tayong lahat!" Itinaas ni Ivan ang kanyang baso at niyayang uminom ang lahat ng dumalo sa salo-salo nilang ito. Iniisip ni Ivan na kung iinom ang lahat, hindi makakatanggi si Fane at mapipilitan siyang uminom ng alak. "Sige, uminom tayong lahat. Uminom tayo para sa pag-unlad ng Taylor Group!" Ngumiti si Old Mas

Ang mas nakakagulat ay nagtakip ng bibig si Ms. Tanya sa sobrang gulat niya. "Kapag naubos mo ang isang buong bote ng red wine na 'to, mapapatunayan mo na bukal sa loob mo yung paghingi mo ng tawad." ang sabi ni Ms. Tanya. Hindi makapagsalita si Old Master Taylor sa mga oras na iyon. Subalit, dahil nagsalita na si Ms. Tanya, kapag hindi nila ginawa ang gusto niya, lalo lang sasama ang loob ni Ms. Tanya. Kapag nagtanim ng sama ng loob si Tanya sa pamilya nila dahil dito, tila hindi na magagawa ng kanilang Taylor family na palawakin pa ang kanilang impluwensya sa Middle Province. "Ano pang ginagawa mo diyan Ivan? Ipakita mong bukal sa loob mo ang paghingi mo ng tawad!" Nang mapansin niya ang mapait na ekspresyon sa mukha ni Ivan, agad na pinaalalahanan ni Old Master Taylor si Ivan. "Sige, hindi ko intensyon na sumama ang loob mo kanina. Uubusin ko ang laman ng boteng 'to tanda ng paghingi ko ng tawad!" Kinuha ni Ivan ang bote ng red wine at agad na ibinuhos ang laman nito sa

Masayang-masaya si Fiona dahil hindi niya inasahan na ganun kalaki ang magiging alok ni Ms. Tanya. Ibig sabihin ba nun, pagkalipas lang ng ilang buwan, makakabili na sila ng mansyon? "Ito ay… Hindi ba't masyado itong malaki?" Naging emosyonal din si Selena at natigilan siya sandali. Noon, pagkatapos siyang palayasin sa Taylor family, nahirapan siyang makahanap ng trabaho. Kahit na gusto niyang kumuha ng agent para makahanap ng trabaho, walang sinuman ang nangahas na kunin siya. Subalit ngayon, binigyan siya ng pagkakataon ni Ms. Tanya. Ang punto dito, mangangahas ba si Ivan na guluhin ang Drake family pagkatapos alukin ni Ms. Tanya ng trabaho si Selena? Napakaimposibleng mangyari nun. Sumimangot si Fane, sa isip-isip niya napakagaling mangalkal ng impormasyon ng Drake family. Dahil malaki ang posibilidad na gusto nilang mapalapit sa kanya dahil inalok nila si Selena ng ganun kagandang trabaho. Kahit na ayaw ni Fane sa pera, basta't masaya at panatag ang kalooban ng kanyan