DAY THREE SA MANSIYON.Sabay-sabay na lumabas ng kani-kanilang kuwarto ang mga estudyante, binati ng magandang umaga ang bawat isa. Tumuloy ang mga ito sa kusina para sa kanilang almusal. Naupo sa kani-kanilang pwesto."Napasarap yata ang tulog ni Sir," puna ni Charlotte nang mapansin na wala pa sa puwesto nito ang artist."Oo nga ano," sabi naman ni Noel.Nagtataka lang sila, dahil ngayon lang ito na late sa usapan na gigising sa tamang oras. Madalas ito ang nauuna sa kusina pero ngayon wala pa ito.Sabay na napalingon sa bungad ng kusina ang lahat ng pumasok si Mang Nestor sa kusina."Ang sabi ni Sir saakin mauna na daw kayong mag-almusal

PAGKATAPOS mananghalian tumuloy sa kanilang kuwarto ang magkaibigan na Alyssa at Maggie habang iyong ibang mga kasama nila mas pinili na tumambay sa sala habang nanonood ng balita."May bagyo pala ngayon." Sambit ni Noel habang humihigop ng mainit na kape.Humigop din muna ng kape si Carlos bago tumingin kay Noel."Kaya pala walang tigil ang ulan." Muling ibinalik ni Carlos ang paningin sa pinapanood sa telebisyon. "Grabe baha na pala sa ibang karatig bayan ng San Victoria.""Sana lang huwag tumagal ang bagyo!" Sabi naman ni Maureen habang maya-maya ang subo ng fish cracker na baon mismo nito. Inalok niya ang dalawang binata pero tumanggi ang mga ito."Sana nga kasi apat na araw na lang ang ilalagi natin dito. Ayoko naman umuwi na baha sa kalsada, hindi kasi ako marunong lumangoy baka malunod ako." Nakangusong sabi naman ni Charlotte at bahagyang kumagat sa chocolate bar na haw

INILAGAY ni Gregorio ang mga braso sa kanyang likuran at paulit-ulit na ikinuyom ang mga kamay. Wala pa naman ito idea kung ano ang gustong itanong ng dalawang dalaga."Ah, wala naman po!" Panabay na sagot nilang dalawa."Hmm, ano naman ang tungkol kay Mang Nestor?" Muling tanong ng artist."Nakita ko po kasi kahapon si Mang Nestor na dala ang bag na pagmamay-ari ni Daisy." Si Maggie ang sumagot.Saglit na natahimik si Gregorio sa narinig. Agad siya nag-isip ng isasagot sa mga ito.Bahagyang lumiyad ang artist bago ito nagsalita. "Hindi kasi naisama sa kotse iyong isang bag ni Daisy kaya inutusan ko kahapon si Mang Nestor na pumunta ng bayan para ipadala sa DCL ang naiwan niyang gamit. Si Daisy na ang bahalang pumik-up ng gamit niya." Mahabang alibi ni Gregorio. Pero lihim na nagngingitngit ang kalooban ng artist sa galit sa katiwala dahil hindi ito naging maingat sa trabaho."Ganun po ba, Sir, kaya pala dala ni Mang Nestor iyong bag ni Daisy kaha

UMABOT na ang gabi pero wala pa din kuryente, low-bat na din ang mga emergency light buti na nga lang at may generator na pang back up. Ilaw nga lang muna ang puwede nilang gamitin.Pagkatapos nilang mag hapunan nag stay muna sila sa sala kasama ang artist.Nag kuwentuhan habang umaasang sana bumalik na ang kuryente. Natigil lang sila sa pag-uusap ng lumapit sa mga ito ang katiwala na si Mang Nestor may dala itong mga kandila at ipinatong iyon sa ibabaw ng lamesita sa gilid ng sofa na kinauupuan ng artist."Ipinahanda ko na 'yan kay Mang Nestor para kung sakali hindi umabot hanggang umaga ang generator magagamit ninyo pansamantala ang mga kandila na." Sabi ni Gregorio.Bawat isa binigyan ni Gregorio ng tag-isa na kandila.

"Bro, gising!" Malakas na mga yugyog ang ginawa ni Carlos para lang magising ang umuungol na binata. Katabi niya ito sa pagtulog nagising lang siya dahil sa malalakas nitong ungol na tila binabangungot. "Noel gising!" "No!" Sigaw pa ni Noel na parang may tinutulak ito. "Bro, ako ito si Carlos!" Muli nitong niyugyog sa balikat ang binata. Nakita ni Carlos ang pagmulat ng mga mata ni Noel na tila takot na takot. Humihingal na napaupo si Noel sa ibabaw ng kama. Inihilamos nito ang mga kamay sa kanyang mukha. Bumaba ng kama si Carlos, kumuha siya ng bottled water na nakapatong sa lamesita. Iniabot niya ito kay Noel.