DAY SIX SA MANSIYON, nagising si Charlotte na wala na sa tabi niya ang kaibigan na si Maureen."Ahhhhhhhh..." hikab ng dalaga.Nung una, inisip ni Charlotte na baka nasa banyo lang si Maureen. Alas-sais pa lang ng umaga kaya nanatili muna siyang nakahilata sa kama. Muling ipinikit ni Charlotte ang mga mata pero gising naman ang kanyang diwa.Ang tagal naman yata mag banyo ni Maureen!sa isip-isip niya.Nag desisyon ng bumangon sa kama ang dalaga agad nitong tinungo ang banyo. Kunot-noong inilibot ni Charlotte ang paningin sa loob ng banyo nang mabuksan nito ang pinto, malinis ang loob ng banyo walang bakas na may gumamit dahil tuyo ang tiles.Kakamot-kamot sa ulo na bumalik ng kama si Charlotte para ligpitin ang mga kumot at unan.Nauna na sigurong

THIRD FLOOR, abala na ang lahat. Sumisilip ang haring araw sa langit palatandaan na tapos na ang bagyo. Nakakabingi ang katahimikan sa loob ng silid na iyon."Mamaya aalis ako, pupunta ako ng bayan para alamin kung ano na ang lagay ng tulay." Basag ni Gregorio sa katahimikan. Kasalukuyan na nakaupo ito sa swivel chair habang nakatukod ang dalawang siko sa ibabaw ng table. Naisip lang iyon ni Gregorio dahil alam niyang magtatanong na naman ang mga ito tungkol sa kasamang si Noel, kaya mas mabuti ng unahan niya na ang mga ito.Kung sina Charlotte at Carlos ay napatingin sa nagsalitang artist, sina Alyssa at Maggie naman nanatiling nakatutok ang paningin sa tinatapos nilang painting."Sana po maisama mo na sina Noel at Mang Nestor sa pagbalik mo Sir," umaasa na sabi ni Charlotte. Muling ibinalik nito ang paningin sa tinatapos na painting.Mataman na nakikinig lang si Alyssa.

"Tingin ninyo bakit nasa trashbag ni Sir ang mga cellphone na 'yan?" tanong ni Alyssa sa mga kasama. Hindi naman nakaimik ang mga ito,"Pakiramdam ko may masamang nangyari sa kanila," pag-amin ni Charlotte. "Kanina nabuksan ko pa ang cellphone ni Daisy, nabasa ko ang mensahe ng kuya niya. At mukhang hindi nakauwi si Daisy sa kanila.""Paano mo naman nasabi 'yan?" tanong ni Carlos. Hindi pa din makapaniwala ang binata na kayang gumawa ng masama ng artist. Sa mga ipinakita nito sa kanila masasabi mo talagang mabait ito at alaga pa sila sa pagkain."Nabasa ko sa mensahe ng kuya ni Daisy na nagtatanong ito kung kailan siya babalik ng Manila, ibig sabihin hindi nga umalis ng mansiyon si Daisy. Hindi ito umuwi sa kanila, sobrang nag-aalala na sa kanya ang kanyang pamilya." Mahabang sagot ni Charlotte.Napabuntong hininga ang binata at mataman na tumingin ito kay Alyssa. Kung totoo ang sinasabi n

"Ayoko, bitiwan mo ako!" umiiyak na pakiusap ni Charlotte nang maramdaman ang paghablot sa kanyang braso ng artist. Nagpupumiglas ang dalaga. "Parang awa mo na Sir, huwag po!" pakiusap pa nito at sumigaw ng malakas na humihingi ng saklolo. Narindi si Gregorio sa sigaw ng dalaga kaya isang malakas na sampal ang binigay niya dito. "Kapag hindi ka tumahimik hindi lang 'yan ang aabutin mo sa akin!" singhal nito sa dalaga. Umiiyak na tumahimik na nga si Charloyte. Ramdam ng dalaga ang sakit ng pagkakasampal sa kanya ng artist. Natakot na itong magsalita at baka totohanin nga nito ang banta. Itinayo ni Gregorio ang dalaga. Walang abog-abog na binuhat ang nagulat na dalaga. "Anong gagawin mo sa akin? Saan mo ako dadalhin?" Hintakot na sunod-sunod na tanong ng dalaga. Pabalyang iniupo ng artist sa isang silya ang dalaga. Marahas ang mga kamay na tinanggal ni

HININTAY muna ni Aling Iseng na tuluyan na makalabas ng mansiyon ang kanyang amo, kanina pa ito nagkukubli sa isang malaki at mataas na flower vase. Nasaksihan ng matanda ang lahat ng kaganapan sa malaking sala, nagdadalawang isip ito kung lalabas ba sa pinagtataguan o mananatili nalang siyang magtatago doon.Dati pa alam na niya ang mga kababalaghan na ginagawa ng amo, matagal na panahon na din silang naging sunod-sunuran dito. Pero sa nasaksihan niya kanina hindi na nakakaya ng kanyang konsensya. Nag sign of the cross muna si Aling Iseng, bago mabilis na lumabas sa pinagtataguan.Mabilis na nilapitan ni Aling Iseng ang dalawang estudyante na nasa sala."A-aling Iseng?" Nagulat man si Maggie, pero nabuhayan naman siya ng loob ng makita ang matandang babae. "Tulungan mo kami Aling Iseng, parang awa mo na." Luhaan na pakiusap ng dalaga sa matanda.Nung una nag dalawang isip pa si Aling Isen