KABANATA 51       Isang palahaw ang bumulabog sa Hacienda na nagmumula kay Azalea habang tumatakbo para hanapin ang kaniyang ama. Makailang beses na siyang muntik na matisod subalit hindi iyon naging rason para siya'y tumigil sa paghahanap sa ama.   " Papa! Papa! " tawag niya sa ama subalit imbis ni Rostam ang makita, si Savannah ang nasalubong niya sa pasilyo. " Tita! Tita Savannah, tulungan mo ang mama ko! May kumuha sa kaniyang mga bad guys! "   Nagsalubong ang kilay nito at pinanood ang paglandas ng luha sa pisngi ng bata sa harap niya na animo'y nagmamakaawa para tulungan siya.   " Tita Savannah, p-please po! Hanapin natin ang Mama ko! " pagtangis ni Azalea. Isa siya sa mga nakasaksi sa pagdukot sa kaniyang ina kanina sa harap ng eskwelahan nila. Maraming nakakita subalit walang nagtangkang tumulong dahil sa takot na baka madamay sa gulo. Nagpal

KABANATA 53  Hindi malaman ni Catalina kung anong ikikilos niya sa mga oras na ito. Naroroon sa kusina ang ina para ipag timpla siya ng maiinom habang nakaupo naman siya sa sopa sa sala at nag iisip kung saan siya magsisimula. Hindi niya maramdaman ang presensya ni Bruno dito sa loob na ipinagpasalamat na rin niya dahil bawas ito sa iisipin niya. Tumayo siya at planong mag tungo sa kusina, saglit niyang inilibot ang tingin sa sala at napatingin sa cabinet nang makita ang litrato nila ni Azalea. Nilapitan niya ito at doon napagtanto na kuha ito noong kaarawan ng anak niya. Hindi niya alam na kinunan sila ng litraro ng ina. " Nakapag hapunan ka na ba, Cata? " Naalis ang tingin niya sa litrato nang marinig ang boses ng ina. May bitbit itong tray na may lamang pagkain at maiinom. " Ito kumain ka na muna. Bagong luto lang ang pasta at habang mainit-init pa, sumubo ka na. "

KABANATA 55       " Hindi mangyayari ang sinasabi mo, Rostam. Hindi ko hahayaang gawin mo ang bagay na 'yan, " may awtoridad na wika ni Angelo nang marinig ang desisyon ng kaniyang pamangkin patungkol sa binabalak nitong pag bitiw sa kaniyang pwesto sa organisasyon. " Inuulit mo lang ang pagkakamaling ginawa ng iyong ama. Tatalikuran mo ang una at orihinal mong pamilya para lang sa mag-iina mo? "   Hindi nagsalita si Rostam kaya lalong gumuhit sa mukha ni Angelo ang pagka dismaya niya. Naglakad ito palapit sa pamangkin at diretso itong tinitigan sa mga mata.   " Huwag kang magpadalos-dalos ng desisyon mo dahil ako na ang nagsasabi sayo, hindi ito ang paraan para iligtas mo ang mag-iina mo. Hindi ito ang nararapat na solusyon sa mga suliraning kinahaharap mo, " aniya habang nakikipagsukatan ng tingin sa pamangkin. " At hindi rin ito magugustuhan ng mga tao mo dahil para mo na

ESPESYAL NA KABANATA 1       " Teacher! Finish na po ako mag color! " ani Azalea matapos kulayan ang mga larawan sa isang pahina ng aklat na kanilang inaaral. Tumayo siya sa kinauupan niya upang puntahan ang guro na nasa harapan. " Teacher, maganda po color ko? "   " Tignan nga natin. " Kinuha ng guro niya ang aklat para makita kung tapos na nga ba talaga ang estudyante niyang palaging nauuna sa pagpapasa. " Wow, tapos na nga. Ang ganda ha? Kaunti na lang 'yong lagpas-lagpas mo at dahil diyan very good ka kay teacher. "   " Yey! " Pumalakpak ito at agad nilahad ang kanang kamay niya senyales na handa na siyang matatakan ng very good. Natawa na lamang ang guro saka binigyan ng isang tatak ang likurang bahagi ng palad ni Azalea.   " Kuya Norman! Tignan mo may very good ulit ako! " Lumapit siya kay Norman na tutok na tutok sa ginagawang pagkukulay.

KABANATA 57       " Mama! Papa! " abot langit ang ngiti ni Azalea nang makita ang magulang niyang nag aabang sa labas ng gate ng kanilang eskwelahan. Tumakbo siya palapit sa mga ito para salubingin ng yakap at ipakita ang mga tatak sa kamay bilang achievements niya ngayong araw.     " Wow naman, very good na naman ang baby girl ko. " Pinisil-pisil ni Catalina ang pisngi ng anak niya saka nilingon si Rostam na sandaling isinandal ang tungkod na dala bara buhatin si Azalea. Naghilom na ang parte ng kaniyang hita kung saan siya tinamaan ng bala subalit kailangan pa rin ng tungkod bilang suporta sa paglalakad niya dahil minsan, sumusumpong ang kanang paa dahilan kaya hirap pa siyang kumilos.   " Saan mo gustong pumasyal ngayon? Aalis tayo para i-celebrate ang achievement mo, " anito na lalong kinatuwa ng anak nila. Marami itong binaggit na lugar na gustong puntahan