NAGLILIWANAG ang bulwagan nang mansyon ng mga Vergara dahil sa liwanag ng iba't ibang ilaw na naroon. Natigilan si Charline nang makita ang ayos ng mga bisita, elegante at hindi maikakailang mga kilalang tao ang mga ito sa alta-sosyedad at nabibilang sa mayamang mga angkan.Napatingin siya sa suot niyang black dress na hapit sa kaniyang katawan, isa itong long-dress na may mahabang slit mula sa gitnang bahagi ng hita pababa. Pinatungan niya ng blazer ang likod na nakalantad. Naaasiwa siya sa suot niya kahit pa bumagay sa kaniya ayon kay Alyssa. Kung hindi nga lang siya nahihiya sa Mama ni Xander ay hindi na siya dadalo sa kaarawan nito. "Umayos ka nga." bulong ni Alyssa nang mapansin nitong tila ayaw niya pang humakbang papasok. Tulad niya, nag-ayos 'din ang kaibigan. Lumutang ang ganda nito sa simpleng-dress ngunit alam nitong angkop sa okasyon. Personal itong inimbita ni Xander na ikinatuwa naman nito. "Kinakabahan ako, Alyssa." napahawak siya sa braso nito. "Gaga, masanay ka na.
Baca selengkapnya