My Affinity Romance with the Billionaire

"Ikaw pala ang tinutukoy ni Alyssa?" Tumaas ang kaliwang kilay ng babaeng naka de-kwatro, napatitig s'ya sa mukha nitong makapal ang kolorete, ito marahil si Madam Olga ang manager ng Club Halimuyak, tumayo ito at bahagya s'yang inikutan. "O-opo." Napalunok si Charline, pilit na nilalabanan ang matinding kaba. Gusto n'yang hilain pababa ang maikling palda na halos ilang dangkal na lang yata ang haba mula sa pundilyo ng suot n'yang panty at hatakin pataas ang mababang neckline ng suot na knitted-blouse. Kanina pa rin s'ya kating-kati sa nakakulapol na make-up sa mukha."Fifty-thousand." Nakangiting tiningnan s'ya nito mula ulo hanggang paa."Ho?" Namilog ang mga mata ni Charline. Twenty-thousand lang ang kailangan n'ya para sa tuition fee at pambayad sa boarding house na inuupahan. Kapag sinuswerte ka nga naman."Ibibigay ko kaagad ang kalahati." Naglabas ito ng pera mula sa bag napalunok s'ya nang makita ang bungkos ng makapal na pera. Nagbilang ito ng ilang libo at iniabot sa kan'ya.

Lumapag ang chopper na kinalululanan nila sa malawak at puting buhangin. Namangha ang dalaga sa ganda ng Island Private Resort, matatagpuan ito sa pinaka-dulo na yata ng Southern Palawan, hugis-parihaba ito na may puti at pinong buhangin. Nakita n'ya ang isang malaking arko na may malaking karatula sa hindi kalayuan, malinaw ang pagkakasulat ng pangalan ng Resort "Welcome to: Onuk Island, Balabac, Palawan." Para s'yang nasa isang paraiso. Tumuloy sila sa isang malaking bamboo house na nakatayo sa gitna ng isla, napapalibutan ito ng coconut tree at iba't ibang halaman. Pakiramdam ni Charline hindi s'ya magtatrabaho kundi magbabakasyon. Sinalubong sila ng caretaker ng isla at iginiya papuntang kusina. Biglang kumalam ang sikmura ng dalaga, nang makita ang nakahaing seafoods at umuusok na kanin. Napasulyap s'ya kay Mr. Vergara, bahagya s'yang namula nang magkasalubungan ang tingin nila. Matapos kumain, tinulungan n'ya ang mag asawang caretaker na nakilala n'ya sa pangalang Aling Jah at

Napasinghap si Charline sa napaka-gandang tanawin. Kung nakita niya na ang ganda ng paligid habang papalubog ang araw, higit niyang nasilayan ang ganda ng Onok Island ngayong unti-unti ng binabalot ng liwanag ng sikat ng araw ang paligid. Malamig ang simoy ng hanging dumadampi sa kaniyang balat. At parang idinuduyan ng mahinang pag-ihip ng hangin ang mumunting alon sa dalampasigan. Tila natutukso na siyang hubarin ang see through mesh cover-up na nakatakip sa suot na one-piece swimsuit. Inilinga n'ya ang paningin sa paligid. Abala sa di-kalayuan ang staff ng resort. Iniwan niyang natutulog pa si Xander sa silid kaya medyo nakahinga s'ya ng maluwag sa isiping kahit papano ay ligtas s'ya sa mga titig nito.Mabilis niyang hinubad ang cover-up at hinayaang nasa buhanginan at inihakbang ang mga paa patungo sa tubig. Natukso siyang sumisid at nagparoo't parito sa hanggang balikat na lalim ng tubig.Naaliw siya sa pagtatampisaw at nakalimutang naroon nga pala siya dahil n

Sakay ng motorboat, nilibot nila ni Xander ang paligid ng isla. Magta- tatlong araw na sila sa isla pero hindi niya pa rin maiwasang hindi mamangha sa ganda ng mala-paraisong ganda nito. Tila sinadyang ikubli ng Lumikha ang ganda ng yaman nito sa paningin ng mas marami dahil halos nasa pinaka-dulong bahagi na ito ng Hilagang-Silangan ng Pilipinas. Nanghihinayang ang dalaga na iilan lang ang maaaring umapak sa isla dahil pribado ito. Ngunit ayon sa caretaker, malapit na itong buksan sa publiko at tumanggap ng mga turistang nais magbakasyon sa Onok Island.Hinayaan niyang isayaw ng mabining ihip ng hangin ang nakalugay na mahabang buhok at pinagbigyan ang sariling pagmasdan ang coral reefs at iba't ibang uri ng isda sa hindi kalaliman at napakalinaw na tubig-dagat. Inihulog ni Xander ang pondo ng motorboat matapos nitong patigilin ang makina. Nagpalutang-lutang ang bangkang kinalululanan nila ilang metro ang layo mula sa pampang. Nakita niya sa sulok ng mga mata na naghu

Pumasok ang motorboat na sinasakyan nila Charline sa tila bukana papasok sa sinasabing pinaka-Bayan ng Balabac. Matapos ang halos isang oras na byahe, natanaw na nila ang mahabang sementadong pantalan na sinadyang paabutin sa pinaka-malalim na bahagi ng tubig. Marahil ay isinaalang-alang ang naglalakihang bangka at ilang lantsa na nakadaong sa gilid ng pantalan upang hindi sumadsad sa buhangin. Tanaw niya ang maraming kabahayan na ang karamihan ay nakatayo sa tubig. Tila hindi napag-iiwanan sa usaping progresibo ang naturang Bayan. Napansin niya kasi ang mga wire na linya ng kuryente at ang mga cable wi-fi na nasa mga bubungan, iisa lang ang ibig sabihin may access sa internet ang lugar. Inalalayan siya ni Xander na makaakyat sa ladder na inihugos ng mga stevedore. Bahagya siyang nakadama ng kilig ng hawakan siya nito at tiyaking hindi siya mahuhulog. "Welcome, Mr.Vergara sa aming Hometown!" pagbati ng lalakeng sa tingin niya ay ang mismong Alkalde ng Bayan na nagmam