“Kuya Zandel doon tayo dali!” hiyaw ni Mico sabay hatak kay Zander. Hindi pa man lang nakakababa si Zander ng sasakyan kanina ay sige na ang aya ni Mico sa mga rides na gusto n’yang sakyan kasama ang binata. At nang nakatungtong na sila sa theme park ay wala ng ginawa si Mico kung hindi tumakbo ng tumakbo kasama ang kanyang kakambal na si Mica.“Oo sandali lang, hintayin natin sina ate Mica at ate Ella. Naiiwan na natin sila o,” tugon naman ni Zander.May bigla namang may humikit sa damit ni Zander. “Kuya Zandel, buhat. Ang sakit na ng paa ko,” sabi naman ni Mica habang nakangirit.“Kawawa naman masakit paa,” asar ni Mico sabay dila sa kanyang kakambal.“O tama na ‘yan,” saway ni Zander. “Baka magkapikunan ha.”“Opo,” sabay na sabi ng kambal. Ginulo ni Zander ang buhok ng kambal at tinignan si Mica. “O sige ate Mica, bubuhatin na po kita ha,” paalam ni Zander. “Tapos kuya Mico, hintayin mo kami ni ate Mica. ‘Wag kang takbo ng takbo mapapagod ka n’yan kaagad,” turan ni Zander kay Mico

“Yehey kakain na!” hiyaw ni Mico. Nagniningning ang mga mata nito dahil sa pagkaing nasa kanyang harapan.Susubo na sana ito ng pagkain ng bigla itong pinigilan ng kanyang kakambal na si Mica.“Shhh! Quiet! Nasa harap tayo ng food. At saka mag-pray muna tayo bago kumain,” saway naman ng kanynag kakambal na si Mica.“Okay po,” sabi ni Mico at sabay na nagdasal ang dalawa.Hindi napigilang tumawa ni Zander habang tinitignan ang kambal. Sadyang magkakontrapelo ang kambal ngunit may pagmamahal sa isa’t isa.Hapon na at naisipan nilang kumain sa isang restaurant sa loob ng theme park. Pagod na rin si Manang Mirna at nakakaramdam na ng gutom ang kambal. Maganang kumain si Mico at halatang nagutom kakatakbo at kakahiyaw samatalang marahan at pinis ang kilos ni Mica habang kumakain. Ngunit sa kabila nito ay panay ang saway nito sa kakambal na ‘wag maingay habang kumaikian. At dahil dito ay nag-uumpisa na naman silang magtalo.“Ay hindi ko na alam ang gagawin ko sa inyong dalawa! Hindi ba pwed

Sinundan lang ng tingin ni Dennise ang dalaga.Pahakbang na sana si Ella upang lagpasan si Zander ng biglang nagsalita ang binata, “Pero hindi mo pa nababawasan ang pagkain mo?” sambit ni Zander upang pigilan ang dalagang umalis.Hindi lang ito pinansin ni Ella at dirediretso sa paglalakad.“Bakit ba inaalala mo pa s’ya? At bakit kayo magkasamang mag-dinner? Akala ko ba overtime? Ano, sa kanya ka ba nag-overtime? Overtime over a dinner date?” dirediretsong sabi ni Dennise.Patuloy lang sa paglalakad si Ella at nauuliligan ang matatalim na salitang sinasabi ni Dennise kay Zander. Papalapit na ito sa pinto ng kainan, hindi na nito nagawang lingon ang kinaroroonan ng binata. Nanlalabo na ang mga mata ni Ella katagalan, tila nagtitipon na ang mga luha sa kanyang mga mata. Ano mang sandali ay nagbabadya na silang tumulo sa mga mata ng dalaga. Pagkalabas na pagkalabas nito ng kainan ay nanginginig ang mga tuhod ng dalaga at hindi na makahakbang pa. Napayuko ang dalaga, pinilit nitong pumunt

“Kumain naman tayo sa labas!” aya ni Anica sa apat n’yang kaibigan.“Oh, baka kung saang weird na restaurant mo naman kami dadalhin! Tumataba na ako Anica sa ginagawa mo sa akin ha!” angal ni Baron.“Parang gusto ko kasing kumain ng mga inihaw! Lalo na ‘yung sunog na barbecue! ‘Yung mapait-pait pa!” wika ni Anica.Napatingin si Ella sa kanyang relo, maaga pa naman at malapit na ang oras ng uwian. “Sige, mamaya ko pa naman susunduin si mama.”Napalingon ang lahat sa sinabi ni Ella.“Talaga! Yehey!” Napatalon si Anica mula sa kanyang pwesto at niyakap ang kaibigan. “Super saya ko! Nako.”“Oy! Dahan dahan ka lang naman kumilos!” pabulong na sinaway ni Ella si Anica sa kanyang magagaslaw na pagkilos.“Opo, na-excite lang ako, sorry na,” wika ni Anica at kumalas na sa pagkakayakap kay Ella.“Dala ko naman ‘yung sasakyan ko, doon na lang tayo gusto mo?” alok ni Ella kay Anica.Tumango tango naman si Anica at halatang nasasabik sa kanilang paglabas.“Sige, dala ko naman ‘yung motor ni Anica,

“Dennise, baka naman matunaw na si Junel sa pagtitig mo!” sita ni Trisha.Humarap si Dennise kay Trisha na may nanglilisik na mga mata. “Could you please shut up! Alam mo wala ng magandang nangyari sa araw ko, tapos dadagdag pa ‘to! Hawak hawak n’ya kanina ang cellphone n’ya, hindi ko maintindihan kung bakit ni isang reply hindi n’ya magawa.” “Girlfriend lang ang peg? Baka walang load, pasahan mo kaya?” pabirong sabi ni Trisha.Napahalukipkip si Dennise at tinaasan ng kilay si Trisha. “Hindi ako kasing cheap tulad mo.” Tinignan nito si Trisha na may panghuhsga. “Kung ikaw nagagawa mo ‘yan sa mga kalandian mo pwes ako hindi. Never!” mataray na sabi ni Dennise.Nagulat si Trisha sa sinabi ni Dennise. “Oy, sumosobra ka na ha.” Nanlaki ang mga mata nito at dinuro si Dennise. “Namemersonal ka na masyado, real talk pala ha! Pwes, madadala ka sa akin.” Umayos ito ng upo at tinaasan din ng kilay si Dennise. “Ikaw Dennise, akala mo kung makaasta ka, humaling na humaling sa’yo ang lahat ng lal