MAGGIENAPATANGA AKO sa sinabi ni manong. Sinusundo daw nya ako. "Bakit mo ko sinusundo? Asan si manong Sitong?" Nakataas ang kilay na tanong ko. Kung may magsusundo man sa akin ay si manong Sitong dapat yun. Ang driver ni kuya Austin."Wala sya. May ginagawa kaya ako na ang susundo sa'yo." Pormal na sabi nya. Kahit nakasuot pa ng itim na itim na shades ay ramdam ko ang init ng tingin nya sa akin. Ano na naman kaya ang trip nya at bigla akong sinundo? O baka naman inutusan sya ni kuya Austin."Inutusan ka ba ni kuya Austin na sunduin ako?" Tanong ko.Kumamot sya sa ulo. "Oo, baka daw kasi gabihin ka." Tiningnan ko naman ang suot na relo. Pasado alas singko na nga ng hapon. Bumuntong hininga ako at hinarap si Lili at Kokoy. Si Lili ay parang namatanda na titig na titig kay manong. Siniko ko sya. "Mauna na ako sa inyong dalawa." Paalam ko sa kanila. Tumango naman si Kokoy at kumaway pa. Si Lili naman ay kumaway din sa akin bagama't hindi pa rin inaalis ang tingin kay manong. Napaili

MAGGIEANG LAKAS ng kalabog ng dibdib ko. Sinundan ko ng tingin ang asong papalayo."Ano ba yan manong? Muntik na tayong makasagasa ng aso. Hindi ka kasi tumitingin sa kalsada eh." Sermon ko kay manong. "Bakit ako? Ikaw yung nagtatanong sa akin dyan na tingnan ko yung labi mo kung masyadong mapula eh." Angal nya. "Eh ang bagal mong sumagot eh, nakatitig ka lang." "Tsk!" Palatak nya at hindi na nagsalita. Pinausad na nya ang sasakyan. Tinatahak na namin ngayon ang malawak na kalsada ng metro manila. "Bakit ba kasi naglalagay ka pa ng ganyan?" Biglang tanong nya pagkatapos ng ilang minutong katahimikan. Ngumuso ako. "Syempre para maganda ako." "Hindi mo na kailangan ng ganyan dahil maganda ka na." Natigilan ako sa sinabi nya. Hindi ako makapaniwala na sinabihan nya akong maganda. Baka inuuto lang nya ako. Ngumuso ako. "Weh di nga? Sabi mo noong una tayong nagkita sa bahay pangit ako." Lumingon sya sa akin at ngumisi. "Nagbibiro lang ako nun." Tinaasan ko sya ng kilay. "Talaga

MAGGIETAWA KAMI ng tawa nila Lili at Kokoy habang nagkukwento si Anthony ng mga kalokohan nila ng mga kaibigan nya. Nasa labas na kami ng school at kumakain ng kwek kwek at fishball. Pinagtitinginan na nga kami ng ilang estudyante pero wala kaming pakialam. "Next time gala tayo o. Sa Sunday ano? G?" Aya ni Anthony sa amin. "Sige gusto ko yan!" Excited na sabi ni Lili. "Ako din!" Segunda pa ni Kokoy. "Eh ikaw Margarette?" Untag sa akin ni Anthony. "Sige ba! Pero magpapaalam muna ako sa ate at kuya ko." Nangingiting sabi ko. Excited na rin ako. Syempre kasama ko si Anthony. "Tayo lang apat?" Tanong ni Lili. "Kasama natin si Jude at Mac. Masayang kasama yung dalawang yun. Parang si Tado at Empoy." Nakangising sabi ni Anthony. Nagtawanan naman kaming tatlo. Nakilala ko na ang dalawa nyang kaibigan na yun at may pagkakwela nga. Naging instant kaibigan din namin sila. "Maggie." Natigilan kami sa pagtawa at kwentuhan at halos sabay sabay na nilingon ang tumawag sa akin. Napaawang

MAGGIEHINDI AKO makapaniwala sa nakikita ko. Isang cute na toy poodle ang nasa harapan ko ngayon ang nakatingin sa akin. Nakalabas ang maliit nitong pink na dila at kumakawag pa ang buntot. Tumingin ako kay manong ng makapasok na sya sa loob ng kotse. "Surprise!" Malawak ang ngiting sabi nya. Napasinghap ako at muling tumingin sa cute na aso. "Ito ang surpresa mo sa akin?" Di makapaniwalang tanong ko at hinawakan na ang cute na toy poodle na naglilikot na. "Oo nagustuhan mo ba?" Nakangiting tanong nya. "Surpresa mo to sakin ibig sabihin akin to?" Excited na tanong ko at binuhat na ang toy poodle at dinala sa kandungan ko. "Sa ating dalawa syempre." Nakangising sagot nya at pinaandar na ang kotse. Napanguso ako. Ang assuming ko naman. Pero ok lang, aming dalawa naman daw eh atleast kasali ako. Napahagikgik ako dahil panay na ang dila ng toy poodle sa mukha ko. Ang cute din ng maliliit nyang tahol. "Mukhang tuwang tuwa sya na nakita na nya finally ang mama nya." Natatawang ko

MAGGIELUMIPAS PA ANG mga araw at linggo. Tuloy tuloy pa rin sa panliligaw si Anthony sa akin. Hindi naman nya ako kinukulit kung kelan ko sya sasagutin. Parehas kaming nag eenjoy sa company ng isa't isa. Gentleman sya at mabait talaga sa akin. Sinasamahan pa nga nya ako magreview minsan eh.Si manong naman, ewan ko talaga dun. Minsan talaga ok kami minsan hindi. Kung si ate Mikay at kuya Austin maganda ang pakikitungo kay Anthony. Sya naman kontra ng kontra. Ang daming ebas. Minsan nga tinataon nya na pupunta sya sa bahay kapag nandun si Anthony at makikisawsaw. Alam na rin ni tatay at nanay na may manliligaw na ako. Dahil sinabi ni manong. Ok lang naman daw kanila tatay at nanay basta wag ko daw pababayaan ang pag aaral ko. "Kelan mo ba sasagutin si Anthony baks? 2 months na syang nanliligaw sa'yo di ba?" Tanong sa akin ni Lili. Nandito kami sa cafeteria at kumakain. Kaming dalawa lang ni Lili ang magkasama ngayon. Si Kokoy kasi ay kasama ang ibang kaibigan nyang lalaki. "Ewan ko