Ilang saglit lang ang binyahe namin ni Briana at huminto na ang tricycle na siyang sinakyan namin patungo sa building ng Delta Apparel.Ito ang unang pagkakataon na nakapunta ako rito at unang beses rin na nakita ko ito ng personal. Halos malula pa ako sa taas nito nang subukan kong abutin ng tingin kung gaano kataas ang building na siyang na sa harapan namin."Wew!" Narinig ko ang pagsipol ni Briana sa tabi ko. Halatang hindi rin ito makapaniwala sa nakikita. Mukhang hindi biro ang kompanya na ito dahil sa sobrang laki at lawak, hindi lang iyun, dahil kahit ang mga empleyado rito na siyang nakikita naming lumalabas ay mukhang mga galante rin dahil may kanya-kanya silang sasakyan."Para namang nakakahiyang mag-trabaho rito," napapakamot sa ulo na saad ni Briana at nagawa pang ayusin ang suot niya nang dumaan sa harapan namin ang isang babae na mayaman kung tignan dahil sa suot nitong napakagara."Huwag na lang kaya akong mag-apply? Nakakahiya. Tara na nga, Yiel, umuwi na lang tayo," a