Sa magkatabing private room dinala sina Sydney at Kelly. Nakaupo ngayon si Ryker sa silya habang nakatingin sa kaniyang cellphone. Nagdadalawang isip siya kung tatawagan ba niya ang pamilya nito o hindi. Alam niyang kailangan niyang sabihin sa kanila ang nangyari sa dalaga pero natatakot siyang aminin sa kanila kung bakit ganito ang kalagayan ngayon ng anak nila. Kung malaman nilang dahil sa kaniya kaya may nanakit kay Kelly ay baka ilayo nila si Kelly at baka tumutol pa sa relasyon nila.At ang pagdadalang tao nito? Paano niya sasabihin iyon sa magulang nito. Ang alam nila ay nandito at nagtatrabaho ang dalaga sa kompanya niya pero ang katunayan ay hindi pala. Inaasawa na pala niya ang dalaga na lingid sa kaalaman nilang lahat. Lalo na at ang alam nila ay trabaho ang dahilan ng pagpunta ni Kelly dito.Humigpit ang hawak niya sa cellphone bago huminga ng napakalalim. Nagdisisyon siyang kontakin ang kapatid nito. Ipapaalam lang niya muna na narito si Kelly sa hospital at 'pag nandito n

Kasalukuyang kinakain ni Kelly ang orange na binalatan pa ni Rhian para kainin niya nang bumukas ang pinto at pumasok si Ryker. Kanina kasi habang hinihintay niyang bumalik ito ay ang kapatid nitong si Rhian ang dumating. Nahihiya pa nga siya dahil inasikaso agad siya nito at tinanong kung ano mga kailangan niya. Kahit na tumanggi siya ay nagpumilit ito at gusto raw nitong bumawi sa pagsusungit nito sa kaniya minsan.Nagkuwentuhan din sila at nalaman niya na mas matanda ito ng isang taon sa kaniya. Pero huwag na raw niya itong tawagin na ate at kinikilabutan ito sapagkat kuya nito ang kasintahan niya. Nagiging palagay na rin kapagdaka ang loob niya dahil sa mga pagbibiro nito. Hindi niya ito pinigilan nang ipagbalat pa siya nito ng orange nang sabihin niyang gusto niyang kainin ang dinala nitong prutas."Saan ka ba pumunta at iniwan mo itong si Kelly mag-isa? Kung hindi lang mahigpit ang seguridad ng hospital ay baka nag-utos na naman ang bastardong 'yun na saktan ang kasintahan… mo—"

Maagang naasikaso ang discharge paper ni Kelly kaya wala pang alas dose ay nakalabas na siya ng hospital. Bago sila umuwi ay binisita muna nila si Sydney na maayos na ang pakiramdam maliban sa naka-cast na paa nito. Binisita din nila si Lolo Jones na ngayon ay nagkakaroon na ng kaunting response sa pamamagitan ng paggalaw ng daliri nito. Hindi sila nagtagal sa ICU na 'yun at agad nagyayang umuwi si Ryker. Kailangan daw niyang magpahinga kahit isang oras lang bago sila nito ihatid sa Santa Rosa.Hindi sa townhouse sila dinala ni Ryker kundi sa binanggit ni Sydney noon na binili ng binata. Mas malaki pa ang mansion na 'to kaysa sa dating mansion ng binata na regalo ng lolo nito. May isang fountain sa harap ng mansion at mga bulaklak sa paligid ng mansion.Nang huminto ang sinakyan nila sa mismong harap ng pinto ay nagulat siya nang makita si manang, si Gemma at si ate Anne. Subalit hindi siya nagmadaling bumaba kahit na miss na niya ang tatlo, lalo si Gemma na siyang naging kaibigan at

Mariing kinagat ni Kelly ang kaniyang labi para pigilan ang sariling umiyak nang makitang nasa himpapawid ang chopper ni Ryker. Maagang gumising ang binata dahil babalik na ito sa syudad. Ang plano sana nito ay hindi na siya gisingin pero pagbaba pa lang nito ng kama ay bumangon na siya at mahigpit na niyakap patalikod ang binata. At kahit na anong pilit nitong bitiwan niya ito para makapaghanda na ito ay umiling siya at sinubsob ang mukha sa likod nito. Halos mag-iisang oras na masuyong kinausap siya nito bago siya pumayag na bumitaw dito at hinayaan na maligo at makapalit ng damit.In fact, she's suppressing herself to stop him from going back. Gusto niyang makiusap na bukas na lang ito babalik o kaya ay sa susunod na araw pero alam niyang hindi puwede.Namumula ang matang nagyuko siya nang tuluyang lumiit na ang chopper at 'di na niya iyon matanaw. Kahit anong pilit na pigilan niya ang luha ay nalaglag pa rin iyon at napahikbi siya. Pinunasan niya ang mukha niya pero nabasa lang mul

Hindi maipinta ang mukha ni Kelly habang nakatingin sa kaniyang cellphone. Tatlong araw nang hindi niya makontak si Ryker at hindi rin ito sumubok na tumawag sa kaniya. Sinubukan din niyang tawagan si Rhian at ang Tita Lana pero walang sumasagot sa dalawa. Ni hindi sila nagbalita sa kaniya kung ano na ang nangyari sa kaso ni Morello. Hindi niya alam kung nahuli na ba ang lalaki o hindi pa.Ang huling tawagan lang nila ay nung gabing inaantok na talaga siya. Sa una ay sinabi niya sa sariling baka abala ito. Pero nang lumipas na ang tatlong araw na wala itong paramdam ay nakaramdam na siya ng panibugho. Hindi lang 'yun, binabaha na rin siya ng pag-aalala para sa binata at kay Sydney. Paano kung may masamang nangyari na sa kanila? At kaya hindi sinasagot ni Ryker ang tawag niya ay dahil ayaw nitong malaman niya ang nangyari sa kanila.Kanina ay nagpumilit siyang lumuwas pero tinutulan at pinigilan siya ng magulang niya lalo na ang kuya niya na mas matindi pa ang reaksyon sa sinabi niya.