Abala ako sa paghahanap nang nahulog kong hikaw sa sahig ng kwarto ni Ran nang mahagip ng aking mata ang kulay puting box sa ilalim ng kanyang kama. Halatang matagal na itong naroon dahil sa kaunting alikabok na nakabalot dito. Dahil sa labis na kyuryusidad ay walang alinlangan kung kinuha ito. Nilingon ko pa ang pintuan ng silid na nakaawang ng bahagya upang siguraduhing wala si Ran o kaya naman ay si Althea. Nang masiguradong wala sila ay muli kong itinuon ang aking atensyon sa box. Pinagpagan ko rin ito bago tuluyang buksan. Alam kong mali ang mangialam sa gamit ng iba ngunit may kung anong nag-uudyok sa akin na may makikita ako sa loob ng box na ito. Ilang litrato at dyaryo ang bumungad sa akin nang mabuksan ko ang box. Una kong hinawakan ang litrato ng isang gwapong lalake. Tinitigan ko itong mabuti. Parang nakita ko na ang lalaking ito. Sa news? Sa TV? Or somewhere. Sinunod kung tinignan ang medyo lumang litrato. Isang lalake at isang batang babae. Kung hindi ako nagkakamali a