Lahat ng Kabanata ng Mr. Bodyguard, It's Hard To Love You [Filipino]: Kabanata 61 - Kabanata 70

Ang unang ginawa ni Erin matapos makabalik ng Bel-Air ay binisita ang bahay nina Lily dahil naroon si Lacey. Iniwan niya si Orion sa hotel sa Berlin dahil ayaw niyang kasabay ang lalaki pabalik ng bansa. Hindi niya alam kung ano ang nakain nito at sobrang clingy sa kanya. “Mommy!” Mabilis na humakbang ang maliliit na biyas ni Lacey patungo sa gate nang malaman ng Pamilya Walton na naroon siya. Agad niyang niyakap ang kanyang anak at saka ito paulit-ulit na binigyan ng halik sa pisngi. “I miss you so much, baby!” “Mommy! Novella and I baked cookies!” pagyayabang nito. “Really? Patitikim mo ba kay Mommy?” Nakakatuwa na maayos ang pakikipagkaibigan nito kay Novella. “Of course!” Nakangiti na nilapitan siya ni Lily. Niyakap ito ni Erin at saka nagpasalamat sa pagbantay sa kanyang anak sa loob ng ilang araw. “Pasensiya ka na talaga. Wala akong maisip na mapagkakatiwalaan kung saan ko pwedeng iwan ang anak ko,” paumanhin ni Erin sa babae. “Ayos lang iyon. It must be

Hinilot ni Erin ang kanyang ulo habang nasa harapan ng kanyang laptop para harapin ang ilang problema. Pinanood niya ang advertisement ng resort sa Bali na magaganap sa loob ng ilang linggo. May mangilan-ngilan siyang napansin na kailangan ng polish at ibinigay muli ang detalye sa kanyang team. May nag-doorbell sa kanyang bahay na sigurado si Erin na isa sa dalawang lalaki ang nangungulit sa umagang iyon. Hinayaan niya ang maingay na tunog, lalo na nang bumilis ang pagpindot-pindot niyon na halatang naiinip na ito sa paghintay. Sigurado siya, walang duda na si Orion o James ang nasa labas. Iniangat ni Lacey ang tingin nito sa kanya nang mapansin na wala siyang plano na harapin ang kanilang bisita, at saka nito nilingon ang direksiyon ng kanilang gate. Kasalukuyan din itong nagkukulay sa drawing book dahil umaga pa ang oras. May ilang oras pa bago ang punta nito sa nursery school. “Huwag mo nang pansinin iyon, anak,” ani Erin. Tumayo siya at saka sinilip sa monitor kung

Hindi mapigilan ni Erin ang kanyang mga pagluha habang naroon sa labas ng emergency room matapos dalhin doon si Tanya. Tinawagan niya si Lily dahil hindi niya alam ang gagawin. Wala siyang kaibigan at hindi niya alam kung paano haharapin ang kanyang takot dahil sa muli niyang pagkakadawit sa pamilya Arvesso.Takot siya sa nakaraan. Takot siya na magalit sa kanya si Orion.Humahagulgol lang si Erin sa labas ng emergency room. Hindi niya kasi alam ang gagawin. Bakit biglang napahamak ang anak ni Tanya?Hindi niya inaasahan na pupuntahan siya ni Lily sa ospital para siya hanapin matapos siya nitong makausap sa telepono. May kasama itong driver o bodyguard.Natagpuan siya nito na wala sa tamang pag-iisip sa hallway. Niyakap niya ang babae na para bang nakakita siya ng kakampi at saka nagpatuloy sa paghagulgol. Inalok siya ni Lily sa canteen ng ospital dahil dama nito ang panginginig ng kanyang katawan. Binigyan siya nito ng tubig.“What happened?” usisa ng asawa ni Drew. Mahigpit na hi

“Hi!” Napaatras si Erin nang makita si Marco, ang isa sa matalik na kaibigan ni Orion na nagbantay sa kanya noon. “M-Marco?” Hindi siya makapaniwala na makita ang lalaki sa labas ng kanyang gate. “The one and only!” anito, malapad ang ngiti. “Oh, my God!” Niyakap niya ang lalaki na para bang walang namagitan na pagtatampo sa kanilang dalawa. Ihahatid na dapat ni Erin ang kanyang anak sa nursery, at pagkatapos ay plano niyang puntahan si Tanya sa ospital. Kailangan niyang ipagpatuloy ang buhay at wala siyang oras na magmuni-muni. Nabigla na lang siya nang kumatok ang lalaki sa kanyang gate. Ibinaba ni Marco ang tingin sa kanyang anak na si Lacey. “Wow! Bulinggit ni Erin!” bulalas ng lalaki. “Hello!” bati ng kanyang anak kahit naguguluhan. Iniangat nito ang tingin sa kanya. “Mommy, who is he?” “He’s a friend, Uncle Marco,” simple niyang sabi bago binalingan ang lalaki. “Why are you here?” Nagpalinga-linga ang lalaki. “Pinapunta ako ni Orion dahil ako ang magbabantay sa in

Isang linggo pa ang lumipas, hindi nakita ni Erin si Orion. Ayon kay Marco ay nagpunta ito sa Greece para ayusin ang problema kay Tanya. Kinausap yata nito si Mr. Niel. Nakapag-file na si Erin ng reklamo kay Tanya; ang mga akusasyon nito sa kanya na may kinalaman siya sa ‘miscarriage’ issue para sirain ang kanyang pangalan sa publiko. Agad naman na bumuwelta ang team ni Tanya at sinabi na hindi nito pinagbibintangan si Erin. Ngunit witness si Assistant Sandra at ilan pang guwardiya na inakusahan siya ng babae sa mismong opisina ng Elusion. Naroon si Erin at nakaharap sa kanyang camera para magbigay ng live broadcast sa kanyang Instagrab. “Ang problema na lang ay kung paano mo sasabihin sa publiko ang rason kung bakit nagkakasama kayo ni Orion. Sigurado na tatanungin sa ‘yo ang bagay na iyon,” paalala ni Marco. “Malaking katanungan kung bakit magkasama kayo sa Bali at pagkatapos ay nasundan pa iyon sa Berlin. Nakakainis pero may ilang mga keyboard warrior ang nagsasabi na ka