PamelaPagmulat ko ng mata, ramdam ko agad ang bigat nito. Sobrang pagod ng pakiramdam ko, parang hindi ako nakatulog. Magdamag akong nag-iiyak matapos aminin ni Danica na matagal na silang may relasyon ni Albie. Parang binuhusan ako ng malamig na tubig. Kahit sabihin pa nating wala na akong nararamdaman para kay Albie, masakit pa rin. Kasi kapatid ko si Danica, at ex ko si Albie. Pakiramdam ko, hindi lang puso ko ang nadurog, pati pagkatao ko.Sinusubukan kong intindihin ang sitwasyon ni Danica. Siguro nga blessing na rin ‘yon para sa kanya, at sa kanila ni Albie. Pero ang hindi ko matanggap, bakit si Albie? Tangina, kaya nga iniwan ko ‘yung tao dahil hindi talaga maganda ang ugali niya. Tapos ngayon, siya pa pala ang pinatulan ni Danica?Pumasok ba sa isip niya, kahit minsan, na masakit ito para sa akin? Na kahit wala na kami ni Albie, iba pa rin ang tama nito dahil pamilya kami? Hindi ko maintindihan kung paano niya nagawa ‘to sa akin. Parang lahat ng kwentuhan, tawanan, at pinagd
続きを読む
