Lahat ng Kabanata ng The Queen Warrior: Kabanata 61 - Kabanata 70

“Aurus, huwag mong gawin ito. Walang silbi rin iyan dahil mamamatay pa rin tayo kapag tinamaan ng mga patalim.”“Hindi ko hahayaan na mamatay ka, Gaia.” “Hindi ko rin hahayaan na may mag-sakripisyo mailigtas lang ako. Kapag namatay ka dahil sa akin, hinding-hindi ko mapapatawad ang sarili ko. Kung anuman ang pinaplano mong gawin, huwag mo nang ituloy,” seryoso niyang sagot. “Gaia! Aurus! Saluhin niyo!” Narinig nila ang sigaw ni Hugo kasabay ng dalawang baging na lumawit sa direksyon nila. Mabilis nilang hinawakan iyon dahilan para magkalayo sila ni Aurus, ngunit marupok ang baging napunta kay Gaia. Naputol agad iyon at muli siyang nahulog paibaba.“Gaia!” sigaw ni Aurus. Nagulat si Gaia nang mabilis nitong nahawakan ang kaniyang baywang at napigilan ang pagbagsak niya sa mga patalim. Ngunit nakabitin ang kaniyang katawan dahil sa paraan ng pagkakahawak nito sa kaniya. Napalunok si Gaia nang makita ang ilang pulgadang layo ng patalim sa mukha niya. Nakadipa rin ang kaniyang mga kam

Samantala, nakatingin din sa langit si Aurus at pinagmamasdan ang maliwanag na sikat ng buwan nang lumapit si Liberty sa kaniya. Akala niya’y natutulog na ito katulad ng iba, pero hindi na siya magtataka nang lumapit ito sa kaniya. Palagi naman nitong ginagawa iyon kapag hindi niya kasama si Gaia.“Hindi ka pa ba matutulog, Ginoong Aurus? Gabing-gabi na, oh. Magpahinga ka,” malambing nitong sabi sa kaniya bago umupo sa tabi niya. “Hindi pa ako inaantok.” “Ang payapa ng gabi, ’no?” Hindi siya sumagot at nananatiling nakatingin sa langit. “Isang payapang kapaligiran bago maganap ang kalamidad. Isa itong mahirap na desisyon. Ano ang sa tingin mong ibig sabihin niyon?” muli nitong tanong. “Bakit mo itinatanong? Saan mo nakuha ang mga salitang iyan?” “Narinig ko kasi iyan kay Gaia bago siya pumasok sa tulugan. Sa tingin mo bakit niya nasabi ang mga salitang iyan?” “Siguro nararamdaman niyang may panganib na darating, o may alam siyang hindi niya sinasabi sa atin. Misteryosa si Gaia

Pagpasok pa lamang sa Biloah, natigilan na si Gaia nang makita ang paligid. Tinakpan niya agad ang mata ni Brie para hindi nito makita ang nagkalat na katawan sa lupa. Halos magkulay pula ang yelo dahil sa dugo ng mga bangkay.“Bakit hinayaan ito ng kastilyo? Marami silang sundalo, ’di ba? Bakit walang pumipigil sa kaguluhang ito?” tanong ni Yuan na hindi maiwasang magalit sa nasaksihan.May ideya si Gaia kung bakit walang dumadating na sundalo mula sa kastilyo. Maaaring nagsasabi talaga ng totoo si Sigmundo dahil wala roon ang Reyna. Walang magbibigay ng utos para pakilusin ang mga mandirigma ng kastilyo. Sana lang maisipang bumalik ng Reyna kapag nakita nito ang nangyayari sa Forbideria. Maaaring nasa paligid lamang ito, pero wala siyang ideya sa eksaktong lugar ng kinaroroonan nito.“Sandali lang. Tumigil muna kayo,” pigil ni Gaia sa mga kasama.Pinahinto niya ang kabayo bago bumaba. Nilapitan niya ang isang bangkay. Tinakpan niya ang ilong dahil sa kakaibang amoy. Maaaring matagal

Napiling magpahinga ng grupo ni Gaia sa isang abandonadong bahay sa gitna ng Biloah. Wala na silang nakikitang tao sa lugar na iyon. Hindi na nakapagtataka na inabandona ng mga tao ang kani-kanilang tahanan dahil sa kaguluhan. May pagkain sa loob ng bahay kaya’t hindi na rin sila nahirapan sa paghahanap nang maubos ang dala nila. Nag-prisenta namang magluto si Liberty kahit nagkasagutan sila kanila.Nakaupo sila sa upuang kahoy sa balkonahe ng bahay. May maliit silang apoy sa gitna para labanan ang lamig ng panahon. Hinihintay nilang bumalik sina Aurus, Yuan at Hugo na lumabas kanina para malaman ang direksyon ng tahanan ng dibisyon lider. Kailangan nila itong makausap para sabihin kung sino ang totoong may kasalanan sa mga pag-atake.“Dumating na sila!” sambit ni Liberty.Nakita ni Gaia ang mabilis na paglalakad ng tatlo patungo sa kanila.“Patayin niyo ang apoy at pumasok kayo sa loob ng bahay. Magmadali kayo!” nagmamadaling sabi ni Aurus.Dumakot naman ng n’yebe si Hugo at ibinuhos

Inayos ni Gaia ang pagkakahiga ni Aurus nang lumabas si Ezraya. Sandali siyang napatitig sa mukha ng binata bago umupo sa gilid ng higaan nito.“Handa siyang takasan ang kinabibilangan niyang grupo para lang makasama ka, Aurus,” mahina niyang sabi nang maaalala ang mga sinabi ni Liberty kay Aurus habang nagpapanggap siyang tulog sa mesa.Matagal na siyang naghihinala sa pagkatao ni Liberty, at normal iyon sa kaniya dahil hindi madaling makuha ang tiwala niya. Hindi lang siya kumikilos at patuloy lang ang palihim niyang pagmamasid dito. Sa mga araw na kasama nila ito, hindi niya nakita na gumawa ito ng plano laban sa kanila hanggang sa araw na ito. Nagkaroon siya ng hinalang may gagawin si Liberty nang inako nito ang pagluluto na hindi naman nito karaniwang ginagawa. Sinubukan niya ito sa kusina at nakita niyang may hinalo itong pampatulog sa ginagawang sabaw. Doon niya sinabi ang plano kay Ezraya at nagpanggap na walang alam sa plano ni Liberty. Gusto niya itong subukan at para mapatu