All Chapters of The Stranger who Loves my Twin Sister: Chapter 81 - Chapter 86

Lumapit sa direksyon ni Gaia ang kaniyang mga kasama nang lumabas ang dalawang babae at apat na lalaki mula sa pinagtataguan ng mga ito. Pawang alerto na ang mga kasama niya at tila nawala na sa isip ang naganap nilang pagtatalo kanina.Pinagmasdan naman ni Gaia ang iba’t-ibang istilo ng anim lalo na sa pananamit. Isa lang sa mga ito ang may makapal na kasuotan na naaangkop sa klima ng Biloah. Ang iba ay mukhang nakasanayan na ng mga itong isuot at hindi na nag-abalang magpalit. Mukhang hindi naman nilalamig ang mga ito.“Sinasabi ko naman sa ’yo, Ace 3, sinadya niyang umarteng nakababa ang kanilang depensa. Pain niya lang ito para lumabas tayo. Ayaw niyo kasing maniwala, eh,” tila nagtatampo ngunit walang buhay na sabi ng isang babae na parang manika manamit mula sa buhok hanggang sapatos. May yakap-yakap pa itong walang mukhang manika.“Tama si Ace 6. Hindi niyo kasi siya pinapakinggan,” segunda ng kasama nitong naka-pormal na damit na parang dadalo sa isang pormal na pagtitipon.“S

“Ako ang makakalaban mo, binibini. Ako ang harapin mo,” seryosong sabi ng lalaking tinatawag na Ace 1.Tumalon patalikod si Gaia para iwasan ang bigla nitong atake. Nang makakuha ng balanse, sinabayan niya ang pagsugod ng lalaki hanggang maglapat ang kanilang mga patalim.“Interesado ako sa ’yo, binibini,” nakangising sabi ng lalaki.“Wala akong interes sa ’yo,” malamig niyang tugon at pwersahan niyang itinulak paabante ang kaniyang patalim.Napaatras ang lalaki sa kaniyang ginawa, pero hindi pa rin nawawala ang ngisi sa mukha nito.“Malakas ka, binibini. Anong pagsasanay ang ginawa mo para maging gan’yan kalakas?”Hindi sumagot si Gaia. Sa halip, nilubayan niya ang pagkakahawak sa kaniyang espada. Dumiretso ang patalim ng lalaki patungo sa kaniya, pero yumuko siya at muling sinalo ang sandata niya. Mabilis namang lumayo ang lalaki nang iwasiwas niya ang espada sa katawan nito.“Nakakahanga,” nakangisi at namamangha nitong sabi habang nakatingin sa nahagip nitong balabal. Naputol ang

“Aurus, gumising ka! Malakas ka, ’di ba? Lumaban ka, pakiusap. Marami pa tayong gagawin na magkasama. Huwag mo akong iiwan sa magulong mundong ito,” umiiyak niyang sigaw habang tinatapik ang mukha nito. Ngunit kahit anong gawin niya, wala na itong reaksyon.Nilibot ni Gaia ang tingin sa paligid upang humingi ng tulong, pero palapit na mga kawal ang nakita niya. Hindi niya makita kung nasaan ang mga kasama niya. Tanging sila lamang ni Aurus ang nasa gitna ng niyebe.“Aurus...”Muli niyang niyakap ang katawan ni Aurus habang umiiyak. Nasa likuran pa rin nito ang dalawang palaso. Imposible man mangyari, pero umaasa siyang buhay pa ito. Ngunit niloloko niya lang ang sarili dahil nakikita niyang tumama ang mga patalim sa likuran ng puso nito. Wala na rin siyang nararamdamang tibok sa pulso nito, at halos magkulay pula ang niyebe dahil sa dugo nito. “Bakit mo ako iniligtas, Aurus. Para sa akin ang palasong iyon. Bakit mo sinalo?”Muling bumuhos ang kaniyang luha habang iniisip kung paano t