جميع فصول : الفصل -الفصل 20

تقوس حاجبيه بالدهشة وأومأ له وسأله بفضول -هتحتاج تروح مستشفى السجن ولا هتفضل هنا في الرعاية؟ أجابه الطبيب -لا مش شرط تروح المستشفى، أنا هخليها هنا في الرعاية كام يوم لحد ما الجرح يتحسن شوية سأله سيف -ينفع أدخل أحقق معاها؟ أومأ موافقا وتنحى جانبا ليدلف سيف فوجدها تستريح على الفراش الطبى وملابسها البيضاء ملطخة بالدماء فتنحنح واقترب منها يهتف بفضول -بقيتى كويسه دلوقتى؟ أومأت بصمت فأكمل -مين اللي عملت كده؟ صمتت وأشاحت بوجهها عنه فعاد يردد بتصميم -الدكتور قال انك هتحتاجي علاج اكتر من واحد وعشرين يوم يعني تعتبر جنحة واللي عملت كده ممكن تاخد عقوبه تضاف لعقوبتها جزاء ليها ظلت على حالتها الصامتة فاقترب منها أكثر وهتف بحدة -أنتي ساكته ليه؟ مش كنتي عايزه حد يسمعك ويجيبلك حقك؟ اديني اهو واقف قدامك بقولك مين اللي عملت كده عشان اجيبلك حقك؟ ظلت كما هي حتى انها اغلقت عيناها فردد بغضب -لو ساكته خوف من اللي عملت كده فتأكدي إني هعرف احميكي منها، ولو ساكته عشان بتفكري في الانتقام وانك تاخدي حقك بنفسك فتأكدي انى مش هسمح لك. ظلت على حالتها فضغط على أسنانه بغل وولج للخارج متج

دلف المبنى المخصص للتأديب وسأل السجانة عطيات -المسجونة عاملة شغب؟ أجابته باحترام -ابدا يا فندم، لا بتتكلم ولا بتطلع صوت. همس بداخل نفسه -للدرجة دي كسروها باللي عملوه فيها!! رفع وجهه وأمرها بفتح المزلاج الحديدي وولج للداخل واتكئ على ركبتيه ليصبح قريب من جسدها الممد على الأرض وهتف بصوت رقيق -دارين، دارين فتحت عينيها بتعب فظهرت الهالات السوداء أسفل عينيها ناهيك عن برودة جسدها وضعفه فترقق قلبه لمنظرها وحدثها بهدوء عله يستطيع فهم ما تفكر به -ممكن تعرفيني أنتي ليه مش عايزة تعترفي على اللي عملو فيكي كده؟ قوليلي بس سبب واحد لسكوتك عليهم أجابته باستسلام -مبقتش فارقة أنا خلاص ضعت وفي واحدة هنا في السجن نصحتني نصيحة وأنا ناويه أعمل بيها. زفر بضيق وحثها على المواصلة فهتفت -قالت لي بلاش تكسبي عداوة الناس هنا طالما ممكن يتحكم عليا، وحضرتك أكدت لي اني هتحبس والأدلة كلها ضدي، يبقى لازم اعمل لبكره وأخاف على نفسي خصوصا إن قانون المساجين هنا مفيهوش تهاون مع الواشي واللي بيعترف على زمايله، هيحطوني في دماغهم ولو عرفت أفلت منهم يوم مش هعرف أفلت اليوم اللي بعده. أومأ

بكى كذبًا وأكمل بصوته المتصنع الباكي: أنا خسرتك وخسرت ابني اللي كنت بتمناه من الدنيا وخسرت مراتي اللي كنت بحبها، فمش قادر أتحمل معاتبة منك. ضحكت ساخرة من طريقته وردت بغل: هي دي الطريقة اللي عرفت تضحك بيها عليا وعلى مراتك وعلى الناس كلها، بس خلاص من النهارده مش هتعرف تعمل كده معايا لأني كشفتك. احتد صوته قليلًا وهو يرد: بلاش تظلميني. هدرت بعصبية: أظلمك؟ مين فينا اللي ظلم التاني؟ ليه عملت كده انطق وقول.... بلاش تقول ظروف لأنها خطة إنت خططتها ونفذتها بحرفية وأنا اللي وقعت في المصيدة بتاعتك، بس اللي هتجنن منه هو إيه السبب؟ قولي وريحني. زفر باختناق وهتف بحدة: اسمعي.... لو اتكلمتي تاني هبلغ النيابة إنك بتساوميني وهقدر أثبت إنك قدرتي تكلميني من تليفون متهرب جوه السجن، فبلاش تعملي كده معايا يا دارين. هدرت بسخرية: أيوه كده اظهر على حقيقتك أكتر وأكتر.... عارف أنا بكرهك دلوقتي قد إيه يا أكرم؟ بكرهك قد ما حبيتك مليون مرة ومش هرتاح إلا لما تبقى في مكانك الطبيعي، هنا في السجن. رمى قنبلته الأخيرة قبل إغلاقه المكالمة بوجهها ليهتف بتوعد: وإنتِ فكري تعملي أي تصرف وأ

فذهب قولها مثلًا وحكمة، وأُعجب الحجاج بحكمتها وفطنتها، فقرر العفو عنهم جميعًا.) عادت تنظر له باكية وهي تقول: لو رجوعك ليا تمنه إني أخسر جوزي وابني فأنا مرحبة وموافقة، عشان الأخ ميتعوضش، لكن الزوج والابن يتعوضوا يا سيف. أثر حديثها به كثيرًا، فنظر لها بتدقيق وهو يتذكر ومضات من طفولتهما معًا ومدى شقاوتها ولهوها الذي كان دائمًا ما يوقعهما بالمشاكل، ليأت والدهما شديد البأس، والذي اعتاد على تربيتهما تربية عسكرية بحكم عمله بالداخلية، ويحاول عقابهما، فيتقدم سيف ليتحمل هو العقاب بمفرده نافيًا عن أخته الصغرى أي أفعال تتسبب في عقابها. ابتسم رغمًا عنه عندما تذكر مناغشتها له ومساعدتها عندما وقع بحب زوجته، لتصبح هي صلة الربط وطريق التواصل بينهما حتى تقدم لخطبتها. حرك رأسه للجانب الآخر بعيدًا عن عينيها المتوسلتين لصفحه، وقوس فمه وأحكم غلقه حتى لا يتفوه بأي كلام جارح، ثم عاد ينظر لها بعد أن هدأ قليلًا وابتسم بسمة ضعيفة متألمة وهو يفتح لها ذراعيه، فاندفعت بلهفة ترتمي داخل أحضانه باكية باشتياق، فقال مازحًا: أوعى توسخيلي البدلة الميري بمناخيرك يا معفنة. رفعت وجهها وهي تبتسم وتقبله قبلات كثي

هذه هي الحياة شئت أم أبيت •••••• لن تتعافى دون أن تتألم ولن تتعلم دون أن تخطئ ولن تنجح دون أن تفشل ولن تحب دون أن تفقد مصطفى محمود ♕♕♕♕♕ استيقظ ليس على صوت مؤقته ولكن على رنين هاتفه، فنظر لشاشته بنصف عين من كثرة نعاسه، ليجده رئيس المباحث الذي يعمل معه بالسجن، فأجاب بصوت خامل: خير يا عماد على الصبح... الساعة معاك كام؟ أجابه الأخير: 5 ونص، بس لازم تيجي السجن دلوقتي اعتدل بجلسته بعد أن استفاق جيدًا وقال بدهشة: في إيه؟ أجابه: في مسجونة انتحرت والدنيا هنا مقلوبة، والمأمور مش عايز الموضوع يتعرف أو يتعمل فيه تحقيق قال سيف بحدة: ليه؟ إيه السبب؟ مش عايز يعمل تحقيق ليه؟ أجابه عماد بضيق: أولًا يا سيدي هي قطعت شرايين إيدها بموس حلاقة، والمأمور بيقول إنه بسبب الإهمال بتاعنا الحاجات دي بتدخل السجن، ولو اتعمل تحقيق إحنا أول ناس سمعتنا هتتلط زفر سيف بضيق وهو يقف من على فراشه ويتجه للمرحاض ويستمع لحديث زميله: وثانيًا المسجونة دي متوصي عليها جامد، والمأمور بنفسه مهتم بيها، وبيقول إن انتحارها هيأثر على القضية بتاعتها وهو مش عايز كده أضاف سيف