جميع فصول : الفصل -الفصل 20

الفصل الحادي عشر ♡كانوا كلهم قاعدين في الصالون… الهدوء مسيطر، بس مش هدوء راحة… هدوء مليان وجع وندم… عيونهم بتروح وتيجي على رائف، خصوصًا جاسر ومهند ونوح ويزيد… الألم باين في ملامحهم، مش بس من اللي حصل فيهم… لكن من اللي جواهُم.رائف كان قاعد، ماسك تلفونه، ملامحه جامدة… برود قاتل بيخبي تحته حاجة أعمق بكتير… والباقي قاعدين في صمت، محدش قادر يبدأ كلام.فجأة… نوح اتكلم.صوته كان مكسور، مليان حزن:"أبيه… أنا آسف والله… أنا كنت خايف على حضرتك… وعلى إخواتي…"سكت لحظة، دموعه نزلت، وكمل بصوت أضعف:"أنا ماليش حد غير حضرتك يا أبيه… وكنت خايف أخسر الأمان الوحيد في حياتي…"الكلام خرج من قلبه… ووصل.رائف وقف عن اللي في إيده… رفع عينه وبص له… نظرة هادية… بس مليانة وجع وحنان.اتحرك… قام… وقرب منه… وقعد قدامه… ومن غير كلام… حضنه.نوح اترمى في حضنه فورًا… مسك فيه بقوة، كأنه بيتمسك بالحياة نفسها… وعيط بانهيار، كل الخوف اللي جواه خرج في اللحظة دي.رائف ضمه أكتر، إيده على ضهره، وصوته طلع مكسور:"وأنا ماليش غيركم… ولو حصلكم حاجة… هموت يا نوح…"نوح رفع راسه بسرعة، بخضة وخوف:"بعيد الشر عليك يا أبيه! ربنا يخل

الفصل الثالث عشر ♡ في صباح يوم جديد… بس مكنش يوم عادي… كان يوم الحكم. الجو في المحكمة كان تقيل… خانق… كأن الهوا نفسه واقف مستني الكلمة اللي هتحدد مصير إنسان. في القفص… وقف رائف. نفس الثبات… نفس البرود… نفس الهيبة اللي متكسرتش رغم كل اللي حصل… كأنه مش واقف مستني حكم… كأنه هو اللي هيحكم. برا… إخوته قاعدين… هدوء غريب مسيطر عليهم… مش هدوء راحة… لا… ده هدوء قبل الانهيار. كرسي واحد بس كان فاضي… كرسي جاسر. المحامي بيتكلم… بيحاول… يدافع… يثبت… لكن الحقيقة؟ كل الأدلة كانت ضد رائف… كل حاجة بتقوله إنه مذنب. وفجأة… القاضي قال بهدوء: "الحكم بعد المداولة… محكمة." ووقف. الكل وقف… القلوب وقفت معاهم. رائف لف ببطء… بص لإخوته… وهما قربوا منه بسرعة… كأنهم خايفين يضيع منهم. بص لمريم ونوح… وابتسم… ابتسامة حنونة… دافية… وجعتهم أكتر: "مبسوط أوي إن طلعالي إخوات زيكم…" صوته كان هادي… بس مليان وجع: "مهما كان الحكم… اعرفوا إني بحبكم أوي… وكان نفسي أعيش معاكم أكتر…" "لا!" مريم انهارت… صوتها طالع مكسور: "حضرتك هتخرج! مش هتسيبني! أنا مصدقت لقيتك… مش هتسيبني يا أبيه

الفصل الخامس عشر ♡في الشاليه…كان الهدوء مسيطر… هدوء غريب قبل أي عاصفة.الشباب كلهم قاعدين، كل واحد فيهم واضح عليه الغضب المكتوم…أما رائف، فكان قاعد بهدوء تام، ماسك تليفونه، ملامحه ثابتة… كأنه مش شايف ولا حاسس بأي حاجة حوالينه.وفجأة…صوت خطوات على السلم.الكل رفع عينه في نفس اللحظة…نظرات حادة… ترقب… وغضب متراكم.ثواني—وظهرت البنات... نزلوا بهدوء… بثقة… والصدمة ضربت المكان كله مرة واحدة.الشباب اتجمدوا مكانهم… عيونهم وسعت… لأنهم لقوا البنات… لابسين ميوهات…لكن—مغطيه جسمهم بالكامل.لحظة صمت… وبعدها البنات وصلوا قدامهم، وبصولهم ، ورفعوا حواجبهم بمكر ومرح.مهند، بصوت مليان غيظ مكتوم:"انتوا… بتلعبوا علينا؟"البنات انفجروا ضحك، ضحك صافي مليان شقاوة:"آه!"ورائف… رفع عينه عن الموبايل، وابتسم ابتسامة خفيفه.يزيد، وهو بيحاول يسيطر على غضبه:"والله لو كنتوا لبستوه… كنت هموتكم!"في لحظة—رائف رفع عينه عليه... صوته طلع هادي… بس فيه برود مخيف:"يعني إيه تموتهم؟"يزيد اتجمد… بص للبنات، وبعدين رجع لرائف… صوته اتكسر:"م… مهو مكنش ينفع يلبسوا كده يا أبيه…"رائف عدل قعدته ببطء… ملامحه اتحولت لجد

الفصل السابع عشر ♡في صباح يوم جديد…كان الهدوء مسيطر على القصر… بس المرة دي هدوء مختلف… مفيهوش راحة كاملة.رائف كان قاعد… صامت… ملامحه ثابتة، وعيونه بعيدة عن الكل… كأنه حاطط مسافة بينهم.البنات كانوا قاعدين قصاده… لكن نظراتهم كانت كلها ندم وخوف وكسرة.ثواني صمت…وبعدين قاموا مرة واحدة… وقربوا منه بهدوء… لحد ما قعدوا قدامه على ركبتهم.مريم بصوت مكسور من العياط: "أنا آسفة… متزعلش مني كده… والله مش هتتكرر تاني."ليان دموعها نازلة بسرعة: "وأنا كمان آسفة… أول وآخر مرة… والله."جمان بصوت مهزوز: "والله ما كناش عايزين حاجة تحصل… كنا بس عايزين نتفرج… مكنش قصدنا كل اللي حصل."رائف فضل ساكت لحظة… وبعدين رفع عينه ليهم واحدة واحدة… نظرة تقيلة…وقال ببرود هادي: "إحنا في مكان غريب… ولولا إخواتكم شافوكم… كان ممكن الشباب دول يوذوكم ."البنات دموعهم زادت…ليان بسرعة: "والله إحنا آسفين… بجد مش هتتكرر."مريم: "أرجوك ما تزعلش مننا… إحنا أسفين."جمان: "والله مش هنعيدها تاني… أبدًا."سكت رائف شوية… وبعدين اتنهد تنهيدة طويلة…وصوته هدي: "أنا بخاف عليكم… متوجعوش قلبي عليكم… أنا ماليش غيركم."البنات بصوا له ب

الفصل التاسع عشر♡في كلية الطب…دخلت البنات الكليه…هدوء تقيل مسيطر، وصوت تقليب الأوراق هو الوحيد اللي بيتسمع.قعدوا مع بعض، وكل واحدة ماسكة كتابها، عيونهم مركزة، لكن في توتر بسيط مستخبي جوه الصمت.ثواني…وفجأة…اتنين بنات قربوا منهم بخطوات بطيئة، وفي وشهم ابتسامة بايخة مليانة خبث.واحدة منهم بصت لمريم وقالت بسخرية ناعمة: "إزيك يا مريم؟"مريم رفعت عينيها بهدوء، وبصتلهم من غير أي تعبير: "خير؟"التانية قربت أكتر وقالت بخبث: "بنتطمن عليكي… مالك بس؟ شكلك متغير كده ليه؟"مريم ابتسمت بسخرية خفيفة، وقالت ببرود قاتل: "عايزة إيه يا إيمان؟"إيمان ضحكت ضحكة صغيرة مستفزة، وقالت: "عايزة أفهم بس… إزاي ليان وجمان الشافعي يصاحبوا واحدة زيك أصلاً؟"سكت المكان لحظة…ليان وجمان رفعوا راسهم بسرعة... وفي ثانية واحدة…الاتنين قاموا من مكانهم.ليان قربت خطوة، وصوتها نازل هادي… بس فيه حاجة مرعبة: "زيها إزاي يعني؟"إيمان اتلخبطت شوية، لكن حاولت تتمسك بجرأتها وقالت: "إحنا سمعنا إن باباها ومامتها… يعني مش أحسن حاجة… وكمان هي مش مستواكم أصلاً…"سكتت ثانية… الهواء اتقل…وفجأة—ليان ضحكت ضحكة قصيرة، مش ضحك فرح… ضحك