Semua Bab رواية حنين (بقلم نورسين محمد): Bab 91 - Bab 100

تنفس مصطفى بـ راحة وقال بـ إيماءة:حاضر.. ما هو ده اللي أنا بعمله وبكتم في نفسي لـ چـل خاطرها.. سيبك مني دلوك وطمنيني أنتِ وهشام عاملين إيه مع بعض ف الچواز؟ مبسوطين؟ صحيح هو فين مش باين واصل؟همسه بـ ابتسامة تفيض عشقاً وتوردت وجنتاها:إحنا الحمد لله كويسين جداً ومبسووطين جداً مع بعض فوق ما تتخيل.. وهو طبعاً نزل الشغل من بعد ما رجعنا من السفر بـ يومين، وهو دلوقت مسافر مطروح يومين بـ الظبط لـ مأمورية شغل وإن شاء الله هيرجع بعد بكره.. حاسة إن الكام ساعة اللي سابني فيهم ومن أول ما مشى كأنهم سنين طويلة قوي وثقيلة! حاسة قلبي مش في مكانه، أو إن روحي سابت جسمي تماماً وراحت وراه ف العربية.. يالا، مضطرة أتحمل لحد أما اليومين دول يخلصوا على خير ويرجعلي بالسلامة.مر اليوم الأول على همسه بـ ثقل شديد وكأنه سنة كاملة بـ سبب اشتياقها لـ زوجها، وفي صباح اليوم الثاني، دخلت حنين المطبخ وحملت كوب الحليب الدافئ وتوجهت لـ غرفتها وقالت بـ حنان أمومي:همسه يا حبيبتي.. تعالي اشربي اللبن يالا قبل ما يبرد، عشان تتغذي.همسه بـ تنهيدة وضيق:حاضر يا ماما.. مع إن مليش نفس أشرب أو آكل أي حاجة واصل.. هشام وحشني اوي

قامت فضة ووقفت في المنتصف تصفق بـ بهجة وترفع صوتها اليرن في أركان السرايا:"رايحه فين يا حاچه يام شال قطيفة.. رايحه ازور النبي محمد والكعبة الشريفة.. فاطمة يا فاطمة يا بنت نبينا افتحي البوابة يا فاطمة ده ابوكي داعينا.. وادعيلنا يا حاچه وانتي على عرفات وبتزوري النبي الغالي وبترمي الچمرات.. وصلتني ليلة لحد المحطة عاودي يا ليلة يا ليلة لقتلي رفاقة.. صلوا على النبي وزيدوا صلاته ده كان يلاغي القمر ويفهم لغاته".. ثم أطلقت زغرودة طويلة قوية ملأت المكان بـ الفرح، وأردفت بـ تضرع: "مباركين ياما.. تروحوا وترچعولنا بألف سلامة ومتنسوناش بالدعوات".دمعت عينا همسه بـ تأثر غامر، وارتمت في حضن جدتها غنية بـ لوعة:"الله عليكم وعلى كلامكم الحلو ده يا جدتي.. يارب تروحوا وترجعولنا بالسلامة، بس أنا حاسة إنك وحشتيني من دلوقت وأنتِ لسه معايا! من كلام الأغنية حاسة إنكم سافرتوا خلاص".نظر مصطفى نحو الباب الخارجي بـ سرعة لمح شيئاً، ثم التفت لـ همسه وقال بـ غمز ومرح حقيقي:"نشفي دموعك يا بت خالي ان شاء الله هيرچعوا بالسلامة.. قومي يالا چوزك رچع وآني سامع صوته وعربيته برا!".انتفضت همسه بـ لهفة وفزع:"هشام؟! أنت

تسير الأقدار في دروب الصعيد بـ حتمية لا تعرف الالتفات إلى الوراء؛ فبينما يرتفع صوت الأذان بـ دعوات السفر والرحيل للأراضي المقدسة، وتتأهب القلوب لاستقبال بركات الطاعة، تنغرس مخالب الفقد بـ قسوة في بقعة أخرى لتنزع الأمان من النفوس وتتركها في مهب الريح.هنا، وحيث تلتقي الهيبة بـ الانكسار، وتنبت من أرحام المعاناة خيوط فجرٍ چديد، تبدأ خطانا في تلمس طريقها عبر هذا الجزء؛ مسيرةٌ طويلة تتهادى فوق جمر المشاعر، وتتأرجح بين ذكريات ماضٍ أبى أن يموت، وحاضرٍ يعيد ترتيب الأوراق بـ حكمة إلهية. في هذا المنعطف من الحكاية، ستختبر الأيام صلابة النفوس، فمنها من يتجرع مرارة اليتم والوحدة كـ "زينة"، ومنها من يقاوم عواصف الجامعة وبناء المستقبل كـ "إبراهيم القناوي"، بينما يظل كبار السرايا يغزلون بـ كرمهم جدران الحماية لكل من يلوذ بـ حماهم.تحت غطاء الصمت والترقب، تبدأ العجلة بالدوران، لتسير الشخصيات بـ خطى ثابتة نحو أقدارها المرسومة بـ دقة.. "على خطى المشاعر".ارتكن هشام على الحائط الزجاجي بالمشفى، ملامحه يكسوها الإعياء والوجوم الشديد بعد أن شهد صعود روحين في ساعات معدودة، نظر إلى زينة ووالدتها اللتين انهارتا

وفي ذات الوقت.. كان الجد عبد الكريم يجلس في مندرة السرايا بـ هيبته المعهودة، ورفع صوته القوي ينادي عبر الرواق:"يا عامر يا ولدي.. شيع لمنصور وهشام يآچوا، وتعالوا على المكتب بسرعة!".لبى عامر النداء سريعا: "حاضر يا بوي حالا اهه.. بس يآچوا وهچيبهم على المكتب طوالي".بعد ربع ساعة، حضر بدر والجميع واجتمعوا مع عبد الكريم في مكتبه المغلق، فـ بدأ الجد حديثه بـ نبرة تفيض كـ رماً وفرحاً بـ سلامة ابنته ومولودها:"ان شاء الله من العشية تدبحوا الخمس عچول، ومعاوزش بيت في البلد ميوصلهوش منابه سواء فقير أو غني.. ومتنسوش الچوامع والكنايس اللي قبلي البلد، كل الناس لازم تفرح ويانا.. الحمد لله ربنا چبر أختكم ونچالها بتها والطفل بـ سلام".أجاب هشام بـ طاعة:"حاضر يا چدي كل اللي امرت بيه هيتنفذ زي ما انت عاوز متقلقش من شي.. اعتبره اتنفذ خلاص".وتابع منصور بـ تأكيد:"متقلقش يا عمي كل شي معمول حسابه، ان شاء الله هتكون راضي ومبسوط وكل الناس هتتراضا وهيوصلها نصيبها لحد عنديها".وأضاف عامر بـ ارتياح:"وآني اتفقت مع السواقين اللي هيفرقوا اللحمة على الناس لـ چل السرعة.. اطمن انت يابا وريح بالك وقول يارب، واحن

وعلقت الجدة غنيه بسعادة غامرة:"يارب يا ولدي ييچي بالسلامة ويرن صوت عياطه ف الدار ويملاه بالخير ما العيال الصغار بيآچوا ويچيبوا معاهم الرزق."اقتربت همسه بوهن من غنيه واحتضنتها قائلة بوعكة وخوف:"تيته أنا خايفه اوي، الدكتور قال ان الحمل مش ثابت عشان انا ضعيفة شويه وكمان الطيارة حركته كتير."ربتت غنية على ظهرها واحتضنتها قائلة بمرونة وخبرة السنين: "متخافيش يا قلب چدتك ان شاء الله هيثبت وهتقومي بالسلامة وتچيبي عيل وتنين وتلاته كمان، تعرفي آني عارفه إنك حامل من يوم ما رچعتي من السفر ودخلتي عليّ وقولتيلي بنام كتير وشويه چعانه وشويه تاني مليش نفس للوَكل وقتها آني قولت لعمتك كمان ووصيتها عليكي، ووصيت هشام بس هو مفهمش الحديت زين إنما فضه فهمت وكانت هتظغطك لچل الواد ما يآچي تبقى صحتك زينة والواد يآچي صحته زينة انشاله خير يا بتي."في تلك اللحظة، خرج الجد عبد الكريم من المندرة وتوجه نحوهم والسعادة ترتسم على وجهه وبارك لهم قائلًا: "مبروك يا ولدي كبروك الوِلد يا ادهم انت وفضه، مبارك يا حنين يا بتي ربنا يتمم لها على خير وتشيلي ولادها وولاد ولادها قادر كريم يارب، اللهم زدنا ولا تنقصنا اللهم امي