جميع فصول : الفصل -الفصل 110

بدر في محاولة لتهدئة قسمة قائلاً وهو يربت على ظهرها: "اهدي شوي يا قسمه خلينا نفهموا اللي حوصل."منصور قائلاً: "أدهم في المستشفى يا بت خالتي، يالا خود حنين وقسمه وحمزة وآني هآخد الحاچ والحاچه ونتقابلوا هناك."نزلت حنين مسرعة وممسكة بيد حمزة، تنظر إليهم كالغائبة عن الوعي لا تردد سوى اسم أدهم وتكرر: "ودوني عند أدهم، ودوني عنده." كانت تخطو على الأرض كالمومياء... جسد بلا روح يقودها حمزة إلى الباب ومنه إلى السيارة بالخارج، لا تنطق سوى جملة واحدة: "ودوني لأدهم خلوني اشوفه." خرجت واستقلت السيارة وتتساقط دموعها لا تقوى على منعها أو السيطرة عليها، عيونها زائغة تبحث عن زوجها في كل مكان.فتحت الممرضة باب الغرفة وخرجت مسرعة، فأقبل عليها هشام ولحقته فضة مسرعة في الخطى، فتساءل هشام بتوتر وخوف بالغ بدو عليه قائلاً: "مرتي فيها ايه بالله عليكي يا ست الحكيمة تطمنينا؟"الممرضة بأسف قالت: "الداكتور قال انها نزلت الچنين وهتدخل عمليات فورا وهما منتظرين حضرتك تحت لچل ما تمضي على الاقرار، غير إنه لازمن يعرف أيه اللي حوصل معاها بالظبط؛ يعني وقعت ولا زعلت ولا أيه اللي حوصل؟"فضة التي ظهر على وجهها الخوف وا

بدر قائلاً: "الله ينچيهم يا ولدي بإذن الله خير." رحمة جففت دموعها بعدما أنهت الاتصال بوالدها وقامت بالاتصال بأختها تقى والتي أجابتها قائلة: "انشاله خير يارب، مالك يا خيتي في حد چراله حاچه؟ ممتعوداش تتصلي في الوقت ديه أكيد في شي حوصل عنديكي قوليلي في إيه؟" عادت رحمة تبكي بكاءً هستيرياً قائلة: "خالك أدهم صابوه بالنار يا خيتي وهو في المستشفى دلوقت، لا وكمان اللي زاد وغطى همسه بت خالك أما سمعت بالخبر وقعت من طولها ونزفت ونقلوها المستشفى وسقطت الچنين، بالله عليكي يا تقى آني قاعدة لحالي والقلق هيموتني، أمك وابوكي فاتوني وچريوا على المستشفى يطمنوا بس مفيش چديد وخالك تعبان قوي، تعالي يا خيتي اقعدي معاي اهنه، آني لسه قافله مع ابوكي التلافون وقولته آچي اطمن على خالي واقعد چار أمي وهو قالي خالك في العمليات ومفيش داعي لوچودك أهنه، آني هتصل اطمنك أما يطمنونا عليه، تعالي يا خيتي اعملي معروف فيا، حاسه من الخوف قلبي هيوقع." تقى بفزع: "يارب سلم يارب وچيب العواقب سليمه، طيب اقفلي يا خيتي هقول لياسين وهچيلك طوالي." مرت ساعتان من الزمن والجميع في حالة من الترقب وأعينهم معلقة على باب غرفة العمل

أومأ عبد الكريم برأسه والتزم الصمت وارتكن جانباً وهو يقول: "يا رب يا ولدي يطمنا عليك وينچيك."لحظات بعد وصول عبد المجيد ثم جاءت الانفراجة وفُتح باب الغرفة وخرج الطبيب يطمأنهم على حالة أدهم، استداروا جميعهم والتفوا حوله، يظهر على الوجوه القلق والتوتر والخوف والكل يردد: "يا رب سترك." لاحظ الطبيب الخوف على وجوههم فبادر بالكلام: "الحمد لله المريض بخير وخرچنا الرصاصة بسلام، وإن شاء الله ربنا يعدي الأربعة وعشرين ساعة اللي چايين دول على خير وهيبقى كويس مع الالتزام بالعلاچ ادعوله، هو حاليا تحت الملاحظة لأنه كمان فقد دم كتير."حنين والتي اختلطت كلماتها بالبكاء تساءلت بلهفة قائلة: "هو أنا امتى اقدر اشوفه يا دكتور من فضلك؟ أنا مراته."الطبيب نظر إليها فوجدها منهكة فقال: "هو دلوقت دخل العناية المركزة وإن شاء الله حالته تتحسن وهسمح لكم تشوفوه بس بعد ما نطمئن أو بعد ما حالته تستقر إنما حاليا مستحيل، بعد اذنكم."عبد الكريم: "الله يطمن قلبك."همست حنين باكية: "اللهم لك الحمد والشكر كما ينبغي لجلال وجهك وعظيم سلطانك، اللهم احفظهم لي واتم شفاؤهم وردهم لي سالمين يارب العالمين."شعرت حنين بوهن شديد وخارت

عبد الكريم بدهشة تساءل: "مُحضر أيه ديه وقضية أيه؟ آني مفهمش شي والله يا ولدي، وبعدين اقوال مين انت عاوز تآخد أقوال ولدي أدهم؟ يا بيه حضرتك خابر زين اننا طول عمرنا عايشين في البلد ملناش خصومه مع حد وبنتعاملوا مع الكل بما يرضي الله."الضابط تنهد قائلاً: "يا حاچ عبد الكريم الظاهر إنك متعرفش إن في قتيل في الموضوع وإن مش أدهم بيه بس اللي اتصاب."جحظت عينا عامر واقترب يسأل: "قتيل؟ مين اللي مات ديه يا باشا؟ احنا منعرفش حاچه احنا كلياتنا أهنه من وقت ما اخوي دخل المستشفى ومسمعناش عن اللي حوصل، وبعدين اخوي ماله بالقتل ولا القتيل؟ ديه هو اللي اتصاب مالنا احنا إذا في قتيل ولا غيره."الضابط أجابه قائلاً: "بالراحة يا عامر بيه، الحقيقة أن الموضوع في قتيل فعلا، القتيل ديه يبقى ولده لزين الدين ولقينا چتته على الطريق اللي كنتوا ماشيين عليه بس الناس كلاتها اتنبهت لأدهم بيه والعيار اللي اتصاب بيه ومخدوش بالهم من اللي مات لأنه مات في الحال بعد ما اتصاب في قلبه بالرصاص ومات في مكانه، وكان الدنيه ليل محدش شافه لحد أما طلع النهار چت لنا اخبارية بوچوده مقتول في الارض اللي على الطريق چار الفيلا، الظاهر ان المو

التقطت هاتفها واتصلت بمصطفى قالت: "ألو، ازيك يا مصطفى، عامل ايه انت ووسام؟"أجابها مصطفى قائلاً: "ازيك يا بت عمي، كيفك وكيف احوالك وكيفه الچنين انشاله بخير وتقومي بالسلامة؟ الحمد لله احنا بخير." سمع صوتها على غير عادته فأردف متسائلاً: "انتي عامله ايه وكل اللي عنديكي؟ طمنيني بس انت فيكي شي؟ صوتك مش كويس، اوعي هشام يكون مزعلك ف شي آچي اتخانق وياه! أهو كله إلا إنه يغضبك ده انتي الهمسه الچميلة اللي چاد بيها علينا عمي أدهم واللاه."أدمعت همسة قائلة: "هو فعلا عمك أدهم يا مصطفى مش هشام."مصطفى بدهشة متسائلاً: "عمي أدهم؟ يعني كيف ديه؟"همسة قائلة بصوت مختنق من الدموع: "انت اكيد محدش قالك حاجه علشان الفرح ومحبوش ينكدوا عليك، حرام انت لسه عريس جديد مفيش داعي للنكد وكمان وسام ملهاش ذنب تتنكد."مصطفى قائلاً: "يادي المرار الطافح يا ولاد! هو آني ناقص قلق؟ اتكلمي يا همسه قلبي وقع ف رچليا، ابوي وامي كويسين؟ چدك وچدتك بخير؟ قولي في ايه، طيب ليه بتقولي عمي أدهم مزعلك؟ عملتي حاچه عفشه زعل منيها؟"امتنعت همسة عن الرد فعاد يسألها: "همسه قوليلي حد چراله حاچه عنديكي؟ قولي الله يرحم والديكي آني مناقصش