Hindi ko na tinanong kung anong celebration ang meron sa labas.Pagpasok ko pa lang sa gate, sinalubong na ako ng malalakas na tawanan. Kumalat sa paligid ang amoy ng pancit, may mga softdrinks na nakalagay sa ibabaw ng mesa, at sa gitna nito ay isang maliit na cake na may asul na icing na malinaw na nakasulat:“Congrats Sofia.”Huminto sandali ang mga paa ko.Hindi dahil nagtataka ako kung bakit may celebration. Wala akong lakas para magtanong, at sa totoo lang, wala rin akong pakialam. Pagod ako mula sa bar. Ang tanging gusto ko lang ay makapasok sa kwarto ko, mahiga, at makatulog nang ilang oras bago muling harapin ang panibagong araw.Pero habang naglalakad ako papunta sa loob ng bahay, hindi ko naiwasang marinig ang mga bulungan ng mga kapitbahay.“Ayun si Ryn, yung pang-gabi…”“Sayang, ang ganda niya sana…”“Ganyan talaga pag…”Hindi ko sila pinansin.Hindi ako huminto. Hindi rin ako lumingon para tingnan kung sino ang nagsasalita. Mabilis kong tinahak ang daan papunta sa kwarto
Last Updated : 2026-09-11
LOGIN
