All Chapters of CORNERED and CLAIMED: Mommy Is The Big Boss Our Daddy?: Chapter 11 - Chapter 13

Natahimik ang buong sala matapos magpaliwanag si Kian. Tanging ang mahinang tunog ng orasan sa dingding ang naririnig habang nagtititigan ang bawat isa. Hindi maalis ni Mae ang pag-aalala sa kanyang mukha, habang ang kambal ay hindi maalis ang tingin kay Kael.Sa di kalayuan, sa likod ng malaking haligi, nakatanaw si Gia kasama si Axel. Namutla siya nang makita ang pagkakahawig ng kambal kay Kael. Ramdam niyang unti-unti nang gumuguho ang lahat ng kanyang itinago. Kasama rin nila ang mga magulang nina Kael at Kian na puno ng pagtataka at pag-asa ang tingin sa mga bata."Pasensya na po kung hindi ako makapangako agad," basag ni Mae sa katahimikan. "Ninang lang po ako nila Clyde at Chloe. Pansamantala ko lang silang binabantayan habang nasa trabaho ang Mommy nila. Ang desisyon ay nasa kanila at kay Lia pa rin.""Alam namin iyan," mahinahong sagot ni Kian. "Nais lang sana namin na makasama muna kahit ngayon lang at handa kaming maghintay sa susunod. Baka sakaling makatulong ito sa kapati

"Hindi naman magandang tingnan kung dito lang tayo sa parking lot mag-uusap," seryosong wika ni Kian. "Wala tayong privacy dito." Napaisip si Lia. "Sa susunod na lang siguro. Hinihintay na ako ng mga anak ko at ni Mae. Kailangan ko nang umuwi." Ngunit hindi nagpatinag si Kael. "Kung ganoon, sa bahay niyo na lang tayo mag-usap. Gusto ko rin silang makita ulit." Natigilan si Lia. Gusto sana niyang tumanggi, pero sa tindi ng tingin at tono ni Kael, alam niyang wala na siyang ibang magagawa. "Sige," mahina niyang sagot. "Pero huwag kayong magtatagal." Agad siyang pumasok sa kanyang sasakyan. Sumunod naman ang magkapatid sa kanilang sariling kotse. Habang nagmamaneho, mabilis niyang tinawagan si Mae. "Mae, nandiyan na ba kayo?" tanong ni Lia habang nakatingin sa salamin kung sumusunod ba sila. "Nandito na kami. Bakit?" sagot ni Mae sa kabilang linya. "Kasabay ko sina Kael at Kian. Gusto daw nilang makipag-usap at makita ulit ang mga bata," paliwanag ni Lia, nanginginig pa r