Chapter Thirteen: The Official Entrants

"Tanisha! Ang galing mo do'n kanina!" masayang bungad sa akin ni Ryleigh nang makapasok sila sa kwarto kung saan ako dinala para gamutin.

"Buti na lang at hindi naulit 'yong nangyare noong nag-ensayo tayo," sambit ni Lucian. Hindi ako makapagsalita dahil tuwing igagalaw ko ang bibig ko ay nakakaramdam ako ng matinding sakit. Sobrang lakas ng pagkakasapak sa akin ni Iqra kanina. Bwisit na babae 'yon but on the good side ako naman ang nagwagi at sigurado akong nabalian ko siya ng ribs kahit papano, mas masakit 'yon.

"Nariyan na pala si Miranda!" sabay kaming napalingon ni Lucian sa may pinto nang sumigaw si Ryleigh. Sinalubong kami ni Miranda ng ngiti at may bibit nanaman siyang notebook at panulat.

"Nagprisinta siyang gamutin ka kaya siya nandito," pagpapaliwanag ni Ryleigh. Tumango ako sa kaniya at pinilit na ngumiti kay Miranda kahit sobrang hapdi ng mga labi ko tuwing nababanat dahil sa mga natuyong dugo sa may sugat.