Sa kabilang kamay ng delivery man ay may hawak itong isang hollow na kahon ng alahas na gawa sa mahogany, nakaukit ang pattern ng phoenix. Ito ay maliwanag, maselan, marangya, at napakagandang tingnan.
Sa loob ng kahoy na kahon ay isang pulang agatang kuwintas. Ang kulay nitong pula ay napakatingkad at nakakasilaw, na kapag nakita mo, ay mahihirapan kang alisin ang iyong tingin dito. May isang card din sa kahon na may nakasulat na note at may pirma ito ni Dean Bautista.
(May you be as bright and radiant as the rising sun in winter.)
Hindi naakit si Lyca sa nakikitang alahas at bulaklak sa kanyang harapan, bagkus mas nakatuon ang kaniyang mga mata sa nakasulat sa kasamang note. Ngunit napatingin siya sa isang lalaking papalapit sa kinaroroonan niya, walang iba kundi si Andrei.
“What a pity,” anito sa nanunuyang tono.
"Mr. Sandoval, ibig niyo bang sabihin ay bawal tumanggap ng regalo sa kumpanya? Kung ganoon, aalis na ako at hindi ko na ito tatanggapin pa,” aniya sa lalaki.
