AFTER THE DIVORCE: MY BILLIONAIRE EX-HUSBAND WANTS ME BACK

“Bumalik na si Andrei.”

Habang iniinom ni Lyca ang gamot niya, kasabay niyon ay binuksan niya ang kanyang cellphone. At iyon kaagad ang mensaheng tumambad sa paningin niya mula sa kanyang matalik na kaibigan.

Sandali siyang natigilan sa kinatatayuan. Pagkatapos ng isang buwan na pananatili ng kanyang asawa sa ibang bansa ay nakabalik na pala ito sa pilipinas.

Ni hindi manlang nagsasalita ang kanyang asawa at ni hindi ko alam na nakabalik na pala ito.

Ilang sandali pa ang lumipas at muli na naman siyang nakatanggap ng mensahe sa chat. "Bumalik siya at sa pagkakataong ito hindi siya nag-iisa, kundi may kasama siyang isang batang babae."

Iniscroll pa niya ang pataas ang mensahe at sa ibaba nito ang nakita niya ang isang larawan.

Larawan na kamukhang-kamukha niya ang batang babae. "Trixie."

Si Trixie. Ang kapatid niyang babae sa ama. Ipinadala ito sa ibang bansa para doon palakihin at pag-aralin, ngayon ay nagbalik na ito.

Patuloy sa pagpapadala bg mensahe ang matalik niyang kaibigan ngunit hindi na niya ito binigyang pansin pa. Bagkus ay nagpaalam na muna siya rito.

Napatingin si Lyca sa bote ng gamot na kanina lang ay ininom niya.

Ilang araw ng mataas ang lagnat niya na inabot ito ng tatlong magkakasunod na araw. Patunay ang mga marka ng karayom sa likod ng kanyang kamay na namumula at namamaga. Palibhasa sariwa pa ito dahil kahapon lamang siya na-discharged mula sa hospital.

Matapos niyang magpaalam sa matalik na kaibigan ay agad niyang ini-off ang kanyang cellphone. Muli siyang humiga sa kama at ipinikit ang kanyang mga mata hanggang sa muli siyang nakatulog muli.

Muling nagising si Lyca at halos mag alas diyes na pala ng gabi. Mukhang napahaba ang tulog niya at hindi niya namalayan na gabi na pala.

Hindi na siya nagulat nang pagbaba niya sa sala ay agad niyang nadatnan doon ang kanyang asawa na si Andrei. Agad namang natuon ang paningin nito sa kanya. Ngunit tulad ng dati ay napakalamig ng tinging ipinupukol nito sa kanya.

Agad na tumayo si Andrei at nang makalapit sita rito. "Hindi na ako magpapaligoy-ligoy pa. Alam mo naman na hindi ko ginusto ang matali tayo sa isa't-isa. At alam mong matagal ko ng gusto makawala sa kasal na nakakasakal. Kaya hindi na ito dapat na magpatuloy pa," malamig pa sa yelo na wika ni Andrei sa kanyang harapan.

Mahinang napabuntong hininga si Lyca. Alam naman niya noon pa na ang kontrata ng kasal sa pagitan nilang dalawa ni Andrei ay hindi ginusto ng lalaki.

Mula sa umpisa ay napilitan lamang itong pakasalan siya. Dahil sa isang gabing aksidente na nangyari kaya pinili nitong panagutan siya.

Ibinaba ni Lyca ang paningin sa hawak na kapirasong papel ng lalaki. Dahan-dahan siyang tumango rito. "Okay, kung iyon ang gusto mo at ang nais mo, hindi kita pipigilan pa," sagot niya na tila may kung anong bumara sa kanyang lalamunan.

"Isa lang ang tanging hiling ko bago ko pirmahan ang divorce paper. Gusto kong muling makuha at mapasaakin ang bahay ang nanay ko," aniya.

Ang bahay na iyon ay iniwan sa kanya ng kanyang ina, ngunit kalaunan ay napunta sa pamilya Sandoval nang ibenta ito noon.

At tungkol naman sa kanyang trabaho. Apat na taon na siyang nagtatrabaho sa kumpanya na pagmamay-ari ng kanyang asawa at pamilya nito. Imposible naman sigurong alisin siya sa kanyang trabaho dahil lamang sa hiwalayan na magaganap sa pagitan nilang dalawa ni Andrei.

"Okay, kung iyang ang hiling mo, walang problema, mapapasayo muli ang bahay ng nanay mo," tugon ni Andrei na walang halong pagtutol. "May iba ka pa bang gusto at ibibigay ko agad sa 'yo?" dagdag pa nito.

"Nothing," maikling sagot ni Lyca at iniling ang ulo.

"Sabihin mo lang kung may iba ka pang gusto. Dahil ayoko na magkaroon pa tayo ng anumang ugnayan sa isa't-isa pagkatapos ng diborsyo," wika ni Andrei.

"Don't worry, wala na akong ibang kailangan pa maliban sa bahay na hiniling ko," nakangiting sagot ni Lyca at pilit na itinatago ang sakit sa mga mata.

Muli pa sanang magsasalita si Andrei nang biglang tumunog ang cellphone nito. Pero bago nito iyon sagutin ay bumaling muna ito sa kanya. "May mga gagawin pa ako. Kakausapin ka na lang ng abogado ko tungkol sa divorce natin."

Hindi nagtagal at umalis na si Andrei sa kanyang harapan ngunit siya ay nanatiling nakatitig sa kawalan.

Malalim na ang gabi ngunit hindi makatulog si Lyca. Binuksan niya ang cellphone at tumingin sa kanyang social media. Doon ay nakita niyang magkasama ang kanyang asawa at si Trixie.

Tila masama itong panaginip para sa kanya.

Noon ang kanyang ina ay kayang tiisin ang lahat. Pero nang malaman niya ang tungkol sa kanyang kapatid na si Trixie ay kinausap at pinilit niya ang kanyang ama kasama ang kanyang ina, na ipadala ito sa ibang bansa.

Subalit hindi pa man natatapos ang dalawang taon matapos mamatay ang kanyang ina, ay muling nagpakasal ang kanyang ama sa ibang babae.

Talaga nga namang mapagbiro ang tadhana, sino ang mag-aakala na ang kapatid niya sa labas ang siyang babaeng matagal ng nasa puso ni Andrei mula noong bata pa ito.

Kinabukasan ay nagising si Lyca na medyo maayos na ang kanyang pakiramdam. Nakipagkita sa kanya ang abogado ng asawa niya at ipinaliwanag mulu sa kanya ang kasunduan ng kanilang divorce papers.

Hindi naman siya trinato ng masama ni Andrei, maliban sa hindi siya nito mahal.

Maliban sa bahay ng kanyang ina na naibalik na sa kanyang pangalan ay binigyan pa siya nito ng isang real estate.

"Ms. Lopez, kung wala ka ng pagtutol tungkol sa diborsyo, maaaring pakipirmahan na lamang dito," anang abogado.

Mabilis na tumango di Lyca at agad na pumirma ng walang pag-aalinlangan.

"Ms. Lopez, dalawang araw lamang ang hihintayin mo para makuha ang certificate," anang abogado.

"Okay, attorney. At pakisabi kay Mr. Sandoval, my ex-husband," may diing sambit niya sa huling salita. "Kung hindi siya abala, kunin niya agad ang certificate, hindi maganda kung ito ay ipagpaliban pa," aniya.

Tumango ang abogado at umalis na.

Nang araw na lumipat siya sa bahay ng kanyang ina, ay nabalitaan agad ni Althea ang tungkol sa pakikipaghiwalay niya sa dating asawa. Inaya siya nito na magkape sa labas.

"Alam mo ang tungkol kay Trixie di ba? Pinaalis siya ng nanay mo noon, at nag-aral siyang mabuti sa ibang bansa. Pumasok siya sa isang sikat na unibersidad. At sa hindi inaasahan ay naroon si Andrei sa University para magbigay ng mensahe. Aksidente nabangga nila ang isa't-isa.

Ngumisi si Althea at napailing. "Nabalitaan ko na hinahangaan ni Trixie si Andrei. Masipag at inspirational ang babae.

Not to mention na si Trixie ang illigitimate child na pinakaayaw niya. Humiling siya na sana hindi ito totoo, pero hindi niya sineryoso.

"Tapos na ang lahat," ani ni Lyca at ngumiti ng mapakla. "Bukod sa kasal, wala kaming nararamdaman ni Andrei sa isa't-isa.

Napayuko si Lyca at bahagyang ipinikit ang kanyang mga mata. Biglang sumagi sa isip niya ang unang pagkakataon na nakilala niya si Andrei.

Ang unang taon na iyon pagkatapos mamatay ng kanyang ina. "Kasal, umalis ka sa aking karera," hiling niya na naging makatotohanan, dahil ayaw na niyang matali pa sa kasal na hindi siya kayang mahalin. Kahit pa nangako rin noon sa kanya si Andrei.

Kinabukasan nang bumalik siya sa kumpanya ay nalaman niyang inilipat na pala siya mula sa pagiging secretary hanggang sa isang manager ng departamento ng isang proyekto.