Marahang kumatok ng tatlong beses si Bona sa pinto ng k'warto ni Jessica na pansamantala munang ipinagamit kay Zoe habang naroroon ang babae sa Central.
"Tuloy..." Anang malamyos na tinig mula sa loob.
Muntik nang mapamura si Bona. Ngayon niya naunawaan kung bakit nahumaling si Daecon sa babae. Boses pa lang nito, nakaka-inlab na. Hindi kagaya niyang may kalakihan na nga ang boses ay wala pang kalambing-lambing lalo pa't halos araw-araw siyang nakikipagsigawan sa mga kasama niya rito sa HQ.
Pinihit ni Bona ang seradura ng pinto at bahagyang sumilip sa loob. Hawak niya sa kabilang kamay ang bagong comforter at mga punda ng unan na gagamitin ni Zoe.
"Ihahatid ko lang itong comforter at mga punda ng unan, Zoe at saka bagong kobre-kama na rin." Aniya sa babae bago tuluyang pumasok sa loob.
"Salamat..." Mahinang sabi nito na nakatalikod pa rin sa kanya.
<
