Muling nasaksihan ni Celestine ang bagsik ni Zsa Zsa sa pagsasalita. Kapag kaharap ang mga taong hindi niya gusto, palaging matapang at walang sinasayang na panahon ang kanyang Tita Zsa Zsa, wala siyang awang ipinapakita sa kanila.
Dahil dito, lalo pang naunawaan ni Celestine na lalong nagiging mahirap para kay Diana na makapasok sa pamilya Peters kahit ano pa ang bait na ipakita niya.
Sa paglipas ng mga taon, hindi niya nagawang mapalapit sa pamilya Peters,bagkus, lalo pa siyang kinamuhian ng mga ito sa bawat kilos na ginagawa niya.
Yumuko si Diana at mahina ang boses na nagsalita, “Tita Zsa Zsa, ano po ba ang nagawa ko para hindi niyo ako magustuhan? Bakit paulit-ulit niyo akong pinupuntirya? Nagmamalasakit lang naman po ako para kay Benj, ah. Ano pong masama roon?”
Bago pa man makapagsalita si Zsa Zsa, nagpatuloy si Diana sa pagsasalita, may tampo ang kanyang boses, “Mahal ko lang naman si Benj kaya ko ginagawa ito, mali ba ‘yon? Wala namang girlfriend si Benj ngayon at ako rin po
